المندي من مطبخي وصل حياكم فراشاتي

1. هاه وشرايكم ؟؟؟


2. يلا نبدأ بالمقادير:

أخباركم يا أحلى فراشات بالدنيا؟!
جبت لكم المندي من مطبخي روعه
والأهم من كذا سهل و لايحتاج حوسه...

هاه وشرايكم ؟؟؟

يلا نبدأ بالمقادير:

• دجاجه مغسوله نقطعها نصفين
• بصله+ثوم فص واحد
• بهارات صحيحه:قرفه+هيل+عويدي(مسمار)+ليمون اسود+ورق غار+
• ربع حبة فلفل رومي+حبه متوسطه طماطم مقطعه
• حبتين ماجي
• بهارات مطحونه مشكله
• أرز (أنا حطيت كوبين ونص)أرز بنجابي المهيدب

الطريقه:
نضع في قدر الضغط الزيت والبصل والثوم نقطع الثوم من النص بس
موصغار ونشوحها لين يبدأ يصفر
ونضع البهارات الصحيحه بعدين نحطط الطماطم والفلفل الرومي
ونحركها لين تذبل شوي ونحط الماجي
بعدين نضع الدجاجه ونخليها تتسبك شوي يعني دقيقه
ثم نغمرها بالماء فوق الدجاج بالضبط
ونحط البهارات المطحونه ونحرك وبعدين نقفل على القدر
ونحسب له.
واذا استوى الدجاج نطلعه ونسوي خلطه في فنجان كركم+شوية زيت+شوية ملح.وقليل ماء تصير ثخينه شوي
وندهن الدجاج وندخله الفرن لين يحمر شوي ونطلعه.
ونضع الرز بعد مانقعناه ربع ساعه ونضع المقدار المناسب من المرق عليه بعد مانشخل المرق من البهارات الصحيحه والبصل ونضع ربع قطعه فلفل رومي تزيد نكهة
ونسكر عليه ونحسب له.
بعدين نسوي الزينه الي على الرز نجيب حبة بصل ونقطعها طوال ورقيقه
ونشوحها في زيت مع ملح وفلفل اسود حتى يحمر مره ونضع عليه
المكرونه بعد مانسلقها في مويه وملح وبهار ونصفيها.
بعد ماصار الرز جاهز نسوي خلطه برضو في فنجال شوي كركم ومويه ونضعها على جزء من الرز وناخذ الدجاجه ونضعها فوق الرز
ونضع فنجان في وسط الرز يكون في نصفه زيت ونضع فحمه
مولعه ونقفل القدر بسرعه ونخليه خمس دقايق عشان
يتشبع بريحة الجمر وبعدها ذوقو احلى مندي.

زوم
وأتمنى يكون عجبكم ياحلوات
دعواتكم
ملاحظه : لاأحلل من تنقل موضوعي