بليز اللي فنانه طبخ تدخل بليز ضروري

محد عبرني وانا قلت بليز لين ماحرف اليا عندي طلع بييدي من كثر ماضغطت عليه
بليز مره ثانيه ساعدوني

سوي سلطه يونانيه مره طعمه اوسلطه سيزر
وهدي طريقه اليونانيه
حبة خيار(مقشر) 2 حبة طماطم متوسطة الحجم جامدة 1حبة فلفل رومي أخضر كبير 1 قرن فلفل أخضر حار صغير(حسب الرغبة)
حبة بصل متوسطة الحجم جبنة فيتا (مقطعة مكعبات متوسطة الحجم) زيتون أسود مقطع شرائح أو بالطول
مقادير الصلصة: 2 ملعقة زيت زيتون عصير ليمونة ملح، زعتر أخضر
الطريقة نقطع الخيار والطماطم والفلفل الرومي إلى مكعبات بنفس الحجم. .نقطع الفلفل الحار إلى حلقات ويخلط مع السابق. .في طبق صغير نضع زيت
الزيتون والليمون والملح والزعتر ويحرك بالملعقة بسرعة حتى يثقل ويصبح لدينا صلصة كثيفة. .يوضع نصف كمية الصلصة السابق على الخضارالمقطعة
وتقلب ثم يوضع في صحن التقديم ويوضع على الوجه حلقات البصل والزيتون ومكعبات الجبنة ويصب عليها باقي الصلصة وتقدم وصحتين.

او سوي سلطه السيزر مره سهله
خس امريكى عدد 1
توست مقطع مكعبات
صلصة ( روب + خردل + عصير ليمون + زيت زيتون + جبنة بارميزان مبشورة )
جبنة باميرزان مبشورة
الطريقة:
يقطع الخس قطع صغير
يحمص مكعبات التوست فى الفرن
تخلط الصلصة وتصب فوق الخس والتوست قبل التقديم
ترش جبنة باميرزان
ممكن ان تزين السلطة بشرائح الدجاج المشوية

شوفي الروابط
http://alfrasha.maktoob.com/showthread.php?t=324823
http://alfrasha.maktoob.com/showthread.php?t=321597
http://alfrasha.maktoob.com/showthread.php?t=339520
http://alfrasha.maktoob.com/showthread.php?t=335937
http://alfrasha.maktoob.com/showthread.php?t=326432

الفراشات ماشالله ماليين المنتدى بالوصفات .. شوفي الوصفات المصورة وشوفي ملف المشرفة ضي العين
وخليني اعطيج كم اقتراح
السفره لازم يكون فيها الاتي:
طبق رئيسي ... مثلا صينية الدجاج
سهله سهله سهله
المقادير:
2 دجاجه
4حبة بطاطس مقطعه شرائح
5 حبات جزر مقطعه شرائح
4 حبات كوسا مقطعه شرائح
2 بصل مقطع شرائح
1 كوب بازاليا
بهارات
3 كوب صلصة طماطم ( يعني علبة صلصة طماطم مخففه بماء + مكعب ماجي)
الطريقة:
تقطعين الدجاج وتغسلينه وتمسحينه بشوية ليمون وترشينه بفلفل اسود وتخلينه على جنب
تقلين الخضار ماعدا البازاليا وتتركينه على جنب (ممكن ما تقلينه اذا ما تحبين الدسم)
الحين نقلي الدجاج
نصف الخضروات في صينية الفرن ونصف قطع الدجاج ونصب عليه صلصة الطماطم
تغطين الصينية بورق المنيوم وتدخلينها الفرن مدة نص ساعه ، بعدها ترفعين القصدير
وتدخلين سكينة بقلب الدجاجه تشوفينها اذا دخلت بسرعه يعني استوت تقريبا
بعدها ترفعين حرارة الفرن من فوق وتشيلين القصدير وتخلين الصينية تتحمر شوية
وطبعا ياكلونه اما مع خبز او تسوين رز ابيض
الطبق الجانبي
ممكن تسوين سلطة
سلطة خضره عاديه او فتوش
طماطم مقطع
خيار مقطع
زيتون كامل
خبز مقطع ومقلي بزيت زيتون
نعناع قليل
للتتبيل ( عصير ليمون + شوية زيت زيتون + سمساق +فلفل اسود وملح)
تقطعين السلطة وتخلطينها وتصبين عليها التتبيله وتزنينها بالخبز المحمص
شوربة خضار (الاسهل)
2 حبة كوسا
1 حبة بطاطا
1 حبة جزر
4 اكواب ماء دجاج ( او ماء عادي مذوب فيه 2 مكعب ماجي)
ملح وفلفل اسود
نص كوب كريمة او قشطة
2 ملعقة صلصة طماطم
تقطعين الخضره وتسلقينها وبعد ما تبرد تحطينها بالخلاط وتضيفين عليها 2 كوب ماء وتخلطينها
على النار تحركين فص ثوم مهروس على شوية زيت وتضيفين عليه صلصة الطماطم وتصبين عليه الخضرة من الخلاط وباقي الماء ومكعب ماجي والبهار والكريمه ..... تخلينها تغلي ربع ساعه
طبق جانبي آخر
تسوين الجبن
عجينة سويتز
الحشوة : 2 علبة وسط جبنة تشدر او كرافت + قطعه صغيرة جبنة بيضاء + شوية نعناع
تخلطينهم وتحشين الرول وتقلينهم
الحلى
اسهل شي
تقطعين الكيك شرائح وتصينفهم في قالب التقديم
الخلطه اللي فوق ( 2 قشطة + 2 كاكاو جالكسي او اي نوع تحبين + 1 بودرة كريم كراميل )
على النار الهادية تذوبين الكاكاو وتضيفين عليه باقي المقادير الى ان يختلط
تصبينه على الكيك المصفوف
ممكن تزينينه بمبشور الكاكاو (فليك مثلا)
عصير
سفن اب بارد
فيمتو
لكل كأس سفن اب تضيفين ملعقه صغيرة فيمتو وتخلينه على شكل خيوط من غير ما تحركينه يعني
هذا اللي على بالي حاليا ... وانصحك تسوين جوله في منتدى المطبخ راح تلقين شغلات تعجبك

اختي في كتير طبخات في المنتدى بالصور ادخلي وشوفيها
واختاري الى يناسبك في طبخات تكون مرههه سهله

مره مشكورين يابنات
يسلمو

شكلي بجلس بالمطبخ من الفجر
جزاكم الله خير
وتجولت بس شفت الاكلات صعبه حبيت اقولكم عشان تقولولي ايش الاشياء السهله لاول مره
بس ثانكس
وعجبتني حركه السفن اب تسلمي رهام
ونشوف ان شاء الله مو اخر مره ادخل المطبخ بس