بنات أبي أسوي دجاج مشوي بالسيخ احد يعرف

السلام عليكم ..
والله اختي انا ما اعرف بعلوم الطبخ لكن اقدر افيدك بمعلومة بسيطة ..
روحي السوبر ماركت و جيبي دجاج الي يكون متقبل جاهز .. يعني يكون متبل و جاهز و كل شي .. و انتي ولعي على الشواية الي بالكهربا و حطيها و حطي معاها طماطم و بصل طبعا الطماطم و البصل يكون حجم كبير عشان يدخل السيخ .. و فكرة حلوه اشوف امي تسويها دايم .. عشان تضمن ان الدجاج استوى حتى من جوا .. قبل ما تحطه بالسيخ تمرر السكين عليه من كل جهة بس مو تقطيع لا لا يكون زي الخدوش بس عشان النار تدخل جوا و انتي عاد و نظرك و احساسك خليها لين تحسين انه استوى .. لا تخلينه يصير يابس مرة ولا تخلينه لين و يطلع ني .. او خذي قطعة احسن و حاولي تاكلينها و شوفي كيف تطلع
ان شاء الله الي عندهم خبرة يفيدونك اكثر
بالتوفيق

و ممكن اساعدك هنا فيه وحده الله يجزاها خير حاطة طرق لتتبيل الدجاج المشوي
http://alfrasha.maktoob.com/alfrasha33/thread1025573/
تفضلي و بالتوفيق

التتبيله حسب وقتك من نص ساعه او ساعتين او حتى ليله كامله
اساس التتبيله الزبادي والليمون والخل والملح لانها تعطي طراوه للدجاج واللحم ولذيذه
وبعد كذا ابدعي ببهاراتك
يعني ممكن تضيفي فلفل اسود وزعتر جاف وهذي تتبيله
وممكن تضيفي خردل وكمون وبهارات مشكله
وممكن بهارات مشكله مع زنجبيل وكم قطره مويه كادي
وممكن بهارات هنديه من كرتونات مهران
وممكن تضيفي كزبره مطحونه مع رشه نعناع جاف مع فلفل اسود وكمون
وممكن قرفه مع هيل وكمون وبهار مشكل
يعني حسب ذوقك وابداعك
وهذي طريقتي للدجاج بالفرن في الصينيه
بعد ماتتبلي الدجاج افضل شيئ يكون الدجاج طازج او مبرد المهم مايكون مفرزل
تغسلينه بالمويه والملح
وتنظفينه
وتفركينه بالتتبيله من جوه ومن برا
وتحشينه بصل وفلفل
وتحطي اسفل الصينيه اما شرائح بصل كثير او جزر
او بطاطس
ومن ثم تدخليها لفرن حامي مره من فوق ومن تحت على 225
وتحمريها من فوق اذا صار لونها ذهبي طفي النار من فوق طبعا مده ربع ساعه او 10دقايق للتتحمر
وخفضي النار من تحت للتصير تقريبا 160بالرف الوسطاني من الفرن
واتركيها 50الى 45دقيقه وتطلع روعه ومستويه وطريه
اهم شيئ لاتجرحيها بالسكين ابدا عشان ما تطلع عصاره الدجاج وتصير ناشفه ويابسه
خليها كامله واحسبي بالوقت بس
ولاتفتحي عنها الفرن
عشان يضبط حسابك للوقت وماتتغير حراره الفرن ممكن تفتحي بعد نص ساعه وتاخذي من الزيت اللي نزل من الدجاجه وترجعيه عليها من فوق عشان تتحمر وكمان النكهه تكون الذ
طريقتي ووقتي للدجاجه بوزن 1100او 1200
وقدميها مع الرز وبالعافيه

a7la-wa7d
تسلمي أختي ماقصرتي
ان شاء الله راح أعمله لأنه نفسي أعمله بالشوايه
اختي ( أم وليد )
بارك الله فيك طريقتك وايد حلوة بشتري خل وبجربها ان شاء الله
وسلمت يمينك