تطبيقي لمكرونه القوارب والاصداف الي سبق وحطيت موضوع عنها ووصفات اخرى بالمكرونه حياكم

1. وهذي صور بعد


2. ماشاء الله تبارك الله

بنات هذا تطبيقي لمكرونتي القوارب او الاصداف قبل كنت منزله موضوع وماقدرت احط صوره كان عندي مشكله بالجهاز يمكن وهذا هو الرابط حق موضوعي فيه المقادير والطريقه
http://alfrasha.maktoob.com/alfrasha29/thread1341547/
والحين اخليكم مع الصور
ماشاء الله تبارك الله
هذي بعد ماحشيتها وحطيت عليها صوص الطماطم
وهذي بعد ماحطيت عليها صوص الباشاميل
وهنا بعد ماطلعت من الفرن
وهذا صحني خ
انصحكم تجربونها لذيذه
وهذي طريقه ثانيه سويت فيها بعد مكرونه الاصداف
بدل حشوه اللحم نحشيها بحشوه دجاج أي شي تحبينه
انا حمست بصل وفلفل بارد وجزر ودجاج مفتت وحطيت ذره وزيتون وحشيت فيهم الاصداف وبعدين حطيت على كل صدفه بطاطس مقطع مكعبات صغيره و مسلوق وحطيت شوي كاتشب على الاصداف خفيف بس ممكن الاستغناء عنه
وصبيت عليهم خليط مكون من قشطه وجبن ومايونيز وخففته بكاس ماي وحطيتها في الفرن بس من تحت ماشغلت نار فوق لانه الصوص حقها خفيف
صح في نقطه نسيت اذكرها ممكن تحطين تحت الاصداف باذنجان مقلي للي يحب زي طريقتي الاولى
وممكن تستعلمون نفس الصلصه اللي استخدمتها في قوارب اللحم لمفروم اللي هي قشطه خفق مع جبن كرفت وماجي وعلبه قشطه و3 ملاعق طحين وعلى النار لين مايثقل شوي القوام
يعني براحتك تقدرين تتحكمين فيها

وهذي صور بعد

ماشاء الله تبارك الله

وبعد صح في طريقه شفتوا الباقي من مكرونه الاصداف المتكسر اللي مايصلح نحشيه فبدل مانرميه ممكن نعمل منه وصفات انا مثلا صفيته بصينيه بطريقه عشوائيه كل المكرونه المتكسره والمتبقيه وحطيت عليها مثل الحشوه اللي فوق
مع اضافه زهره مقليه شوي بس وفوقها اختاري أي صلصه تحبينها من اللي حطيتهم فوق او ممكن تسوين باشميل عادي وتضيفين له جبن عشان يملحه شوي وحطيه بالفرن ويصير مثل كذه
لاتنسون بنات بالدعاء لي بتفريج الكروب والهموم الله هو الوحيد اللي يعلم بالحال
ويرزقني ربي بالزوج الصالح
ويوفقكم ويسعدكم جميعا