تعالو لحقو مرقة كويتية بلحم

السلام عليكم .......................................
اليوم عندنا مرقة لحم
المقادير
لحم حسب الأشخاص
4بطاط 4 جزر
نص فص ثوم
4 طماط
م كركم م دارسين م ليمون أسود م بهارات مشكلة كمون حسب الرغبة م كزبرة مطحونة
علبة معجون
4حبات ليمون أسود
جيلة عيش نص بصلة
الطريقة
يقشر البطاط و الجزر و يقطع شرايح
يفرم الثوم و يو ضع على جنب ثم الطماطم
يوضع اللحم المفوح أنا أفوحه قبل بيوم فنسخنه أول بماي مغلي بعدين نشخله و نحطه في الجدر لما يمص الماي و نحط البهارات السابقة لما يود القاعة نحط 4 ليمونات و بعدين الطماط و الجزر و البطاط و و علبة معجون و لما يمسك القاعة عدل نحط فوقه ماي اللحم تقريبا يطبخ نص ساعة
العيش نحط ماي في الجدر لما يفوح عدل نحط العيش و يكون على نار حامية جدا و لما يفوح و يطلع فوقه أبيض نشياه
نجهز المشغل نعرف أنه مستوي لما يبتدي العيش يصعد فوق و نشخله بعد ما نشخله انحط في الجدر قفشة دهن و شوية بصل لما يحمر البصل انكت فوققه ماي الفرقاعة ونشيله في ملة ثانية انحط العيش في الجدر بعدين نصب البصل و الماي فوقه نغطي بقصدير
علامة استواء المرق البطاط يصير لين أما جدر العيش نحط تحته كنكة و ننطر شوي اذا زاد البخار يعني خلاص
بالعافية ::::::::::::::::::::::::::