تكفون ساعدوني وخاصه المتزوجات واصحاب الخبره

توتي الصغيره

31-03-2022 - 10:09 am

السلام عليكم
كيفكم يالمتزوجات؟؟؟؟؟؟؟
بماان رمضان على الابواب الله يتقبل منا وتكثر الزيارات
واله قعدت افكر وش اخذ معي اذا رحت لاهل زوجي من معجنات وحلويات ولقيت كل شي اخذته العام
يعني وش رايكم نجتمع ونكتب لنا كم طبق وكم حلى علشان ناخذهن ويكونو سهلت وبسيطات
تكفون ساعدوني انا وخواتكم المتورطات
الله لايحرمني منكم

التعليقات (9)

توتي الصغيره

31-03-2022 - 01:30 pm

وينكم لايكون ماحد عجبته الفكره االله يسامحكم

777

31-03-2022 - 02:31 pm

السلام عليكم ورحمه الله
يسعدني ان اكون اول رد لموضوعك
انا رايي ممكن تسوين كذانوع حلى قهوه بس ماتكون دسمه مثل عندك اللبنيه او مثلا معمول تمر
اذا العشاء تسوين مكرونه صينيه او دجاج بالزبادي روعه اولحم بالمشروم اوسبرنغ رول وغيره كثير
ودمتي كل عام وانتي بصحه وعافيه

~< الدانـــه >~

31-03-2022 - 03:32 pm

توتي الصغيره انا عجبتني الفكره وكل وحده عندها وصفه تحطها
وراح ابدا انا
المقادير :
مكرونه - مايونيز- قشطه- جبنة كرافت(او اي جبنه تنوب عنها)-جزر- ملفوف-
بصل- طماطم- فلفل اخضر- زيتون شرايح-
الطريقه:
تسلقي المكرونه بقدر وبقدر ثاني تحطي البصل كله مقطع لين يذبل
وبعده تحطي الطماطم لين يذبل وبعده تحطي الجزر والملفوف
والفلفل الاخضر وتحطي عليها ملح وفلفل اسود وكمون وماجي
الخلطه:
علبة قشطه - 3ملاعق مايونيز- 5ملاعق جبنه كرافت- ملح- فلفل اسود.
وتجيبي صينيه وتدهنيها بزيت وتحطي المكرونه وفوقها الخلطه وفوقها
الخضروه اللي حاطتها بقدر لحال وترشي فوقها الموزاريلا وتحطيها
بالفرن لين تتحمر شوي لاتطول.
والف هنا وعافيه على قلوبكم

برنسيسة الرياض

31-03-2022 - 04:33 pm

أما أنا بعطيك وصفه سهله إفردي توست وقطعيها نصفين وإدهنيها بجبن وحطي أي حشوه ولفيها على شكل رول وقطعي جبن شرايح نصفين ولفيها على الروله وحطيها بورق قوالب ودخلي من الطرف خس وشوفي شكلها روعه
أما الصينيه قطعي ملفوف وجزر شرايح ودجاج مسلوق وكشنيها ببصل وحطي بهاراتك وحطيها بالصينيه وإسلقي بطاطس وإهرسيه وكوريه ثم صفيه بعاد شوي عن بعض وصبي عليه خلطة القشطه والمايونيز والجبن وحمريها من فوق

~< الدانـــه >~

31-03-2022 - 05:34 pm

بنات ياريت تتفاعلوا معنا يعني كل وحده تحط من عندها.و حيكون جديد بالنسبه لغيرها
هذي طريقة وردات الكيري
تجيبي رقائق البيف باستري وتقطعيها لأربع اجزاء + بهذا الشكل بعدين كل مربع تقطعيه من
الأربعه الأطراف الى ماقبل الوسط بشوي وتعمليه مثل المروحه اللي تجي بافلام الكرتون
وتحطي في النص قطعة كيري >>>> ومداك تسوي الشكل اللي تبغيه
وبعدين تحطي عليه شيره.
وبالهنا والعافيه

توتي الصغيره

31-03-2022 - 06:35 pm

مشكورين الله يساعدكم وجزاكم الله خير
وكل عاو وانتم بخير

توتي الصغيره

31-03-2022 - 07:36 pm

ين البقيه
انا عندي طريقه سهله
المقادير توست منزوع الاطراف ودجاج منتف وقشطه وجبن
نصف التوست بالبايركس ونضع فوقه حشوة دجاج مع بصل وبقدونس وبهارات ومايونيز
بعدين نحطها على التوست بعدين نضع طبقة توست منزوع الاطراف بعدين نخلط قشطه وجبن ونضع عليها ونحمرها من فوق
يلاوين الباقين

~< الدانـــه >~

31-03-2022 - 08:37 pm

عزيزتي توتي الصغيره انا جاهزه باللي تبينه
بس قوليلي تبين حلا ولا وش
وراجعه أكتبلك وصفه
بس الحين مشغوله
لك شكري

شمس الجنوب2006

31-03-2022 - 09:38 pm

هدي اول مشاركه لي مع اول منتدى اشارك فيه واتمنى تعجبك السلطه هذي المقادير 00جزر وبطاطس وكوسه مقطعه مكعبات صغيره ومقليه000كرنب وخس وخيار مقطعه مكعبات صغيره000ذره وبازلاء وبليله مسلوقه000كزبره مفرومه00توضع جميع المقاير بالترتيب في صينيه بايركس شفاف00وبعدين نعمل الخلطه1زبادي 1ملعقه مايونيزليمون معصور ملح كمون كزبره ثوم مدقوق وتوضع فوق الخضار بطربقه حلزونيه وتزين بالخبز المحمص وعلى فكره ملح بين الطبقات والبليله حسب الرغبه وبالهناء والعافيه ولاتنسي تدعيلي وتردي لي جواب0

صينية الباذنجان بالدجاج←
الغربالية وبالصور→