تيكا ماسالا أكله هنديه مع الصور لايفوتكم غير غير

السلام عليكم ورحمة الله وبركاته
أمس سويت تيكا ماسالا على كيف كيفكم...رهيبه ونفس شكل اللي بالصورة...والطعم ولا أروع للي يحب
الأكل الهندي ...طبعا ماطلعت معي كذا ...<<<<أجل كيف لا تطولين السالفه وهي قصيرة
بعد عدة محاولات لمعرفة النكه الأصليه <<<<بتقولون وين ذقتي الأصليه عشان يصير في تقليد
طبعا هذا دعايه للمحل المفروض يعطيني عليها نسبه بس ما يخالف مسامحتهم<<<<الا مب حاصلك
اللي يعرف مطعم البانوش في شارع الملك عبدالعزيز بالخبر ..عندهم أكلات يمي يمي...ومن ضمنها تيكا
ماسالا...طريقتي صارت مثل نكهتهم تقريبا والشكل ولا أروع ...<<<أخيرا خلصتي ابدي في الطريقه وريحي
الناس..
المقادير في الخلاط الكهربائي:
علبة زبادي..
بصله مقطعه بأي شكل وتكون متوسطة الحجم..
طماطم مقطعه بأي شكل وتكون أيضامتوسطة الحجم..
ملعقه صغيرة مليانه معجون طماطم..
ملعقه صغيرة جدا كركم..
ملعقة طحين كبيرة..
بهارات ويفضل بهارات التيكا ماسالا أنا ماكان عندي وحطيت بهارات البرياني ونفع
فصين ثوم _وقطعة زنجبيل ويفضل الطازج..
حبتين من كل من(هيل_مسمار_فلفل أسود)طبعا يفضل أنه يكون عدل ولا تخافون لأنه بينطحن ويطلع طعمه
أفضل من المطحون..
وأخيرا ملح..
نجي للطريقة :
نحمس على النار بصل مقطع شرائح وبعد ذلك نضيف الدجاج المقطع قطع صغيرة والخالي من العظم ونقوم
بحمسه جيدا حتى ينشف الماء..ونضيف إليه الخلطه مع ورقتين من الغار وقليل من البقدونس المفروم ..وبين كل فترة وفترة يتم تقليبه
حتى لا يحترق ..ويوضع على نار خفيفه..ونسيت أقولكم اللي يحبه حار يضيف الفلفل المطحون الأحمر..
ويقدم مع الأرز(ويفضل الأبيض)أو يأكل بالخبز..
وهذي الصورة طبعا الكاميرا ماكانت عندي فأخذت صورة من النت مشابهه...وانتظروا القادم بإذن الله
مع صوري اللي أنا أصورها ..
ودمتم بحفظ الله...