جلاش بالمهلبيه

السلام عليكم
هقولكم على طريقه الجلاش من ايد ماما ودايما تعملهالنا وبتخلص بسرعه من حلاوتها
المقادير
كيس جلاش
1\2 لتر لبن
فانليا
6 معالق سكر (حسب الرغبه)
زبده سايحه حوالى 1\2 كوب
2 معالق نشا
1\2 كوب ماء
وشربات للرش على الوجهه
الطريقه
اولا نحضر المهلبيه
نغلى اللبن ونضع عليه الفانليا والسكر و النشا المذاب فى الماء ونتركه يغلى حتى نحصل على قوام مهلبيه ولكن غير متماسكه
نبدا فى تحضير الجلاش
نضع طبقتين جلاش ونرش عليهم زبده سايحه بالفرشه
وبين كل طبقتين نضع رشه زبده
وهكذا الى ان نصل لنصف كميه الجلاش
ونضع المهلبيه ولكن ليس فى الاطراف فى الوسط وبمعلقه نساويه ولا نصل للاطراف نسيب حوالى 2 سم
ونضع باقى الجلاش بنفس الطريقه الاولى
ونبد بتقطيعه بسكين حامى و بالراحه حتى نقدر على تقطيعه
ونضعه فى الفرن حوالى 20 دقيقه
حتى نراه اخذ اللون الذهبى
ونخرجه ونضع عليه الشربات العادى ونتركه يبرد
وبالهنا والشفا