حلو تقديم للعيد مبتكر لا يطوفكم

شلونكم يا فراشات .. وكل عام وانتم بخير
الله يسلمكم صار لي يومين وانا اجرب وصفات لحلويات العيد واذوق الأهل عشان نختار الاحسن ونسويها للعيد
واخيرا تم اختيار الحلو اللي من ابتكاري ( 50% من ابتكاري ) واللي عجب الكل والجميع ابتداءا من الوالد والوالده الله يحفظهم وحتى اصغر خواتي.
فقلت لازم انقله لفراشات المنتدى حتى يستفيدوا ويقدمون شي جديد بالعيد
حلو التقديم هو معروف للكل ولكن غيرت بطريقة تقديمه ...
ادري طولت عليكم الكلام وتفضلوا الطريقة
الغريبه المحشية
المقادير:
2 كوب طحين ابيض محموس ومنخول
2 كوب طحين نخي منخول
1 ونص كوب سكر بودره منخول
4 اصابع زبدة ( 100 او 115 غ)
هيل - دارسين - زعفران
الحشوة:
1 كوب حليب نستله مكثف محلى
2 ملعقه طحينه ( بالكويتي هرده )
شوية هيل - شوية ماء زهر
فستوق مطحون
الطريقة:
لعمل الغريبه : تخلطين المقادير الجافه وبعدها تضيفين الزبده وتخلطينهم ( حطي بالك لا تزيدين عن مقدار الزبده المقرر حتى وان حيتي وان العجينه كانها جافه لان هذي طريقة عجينة الغريبه )
لعمل الحشوة: تخلطين الحليب المكثف والطجينه والهيل وماء الورد .
تشكلين العجين على شكل دوائر صغار وتضغطينها شوي وتصفينها بصينية الفرن ( لا تدهنين صينية الفرن لان الدسم الموجود بالعجينه كاافي)
تدخلينها فرن معتدل ( النار مشتعله من فوق وتحت) مدة 7 - 10 دقايق الى ان يتحمر ويكون لونه اشقر ( حطي بالك بسررعه تحترق)
طلعيها من الفرن وخليها بالصينيه من غير ما تحركينه مدة 5 - 10 دقائق حتى يتماسك ( لانك اول ما تطلعينه تكون الغريبه بعدها رخوه)
بعد ما تبرد بالمره تيبين او حبتين وتحطين شوية من الحشوة بالوسط وتصكينها ، تمسحين شوية من الحشو على الجوانب وتغطين الجوانب بالفستق ( لاحظي انك تحطين الحشوه على الجزء السفلي من الغريبه والجز العلوي راح يكون الشكل الخارجي)
تصفينها بصحن التقديم ولازم تحرصين انك تغطينه .... اذا صفيتيه بالطول يكون شكله وايد حلو
صدقوني يا فراشات امشوا على المقادير والطريقه راح تعطيك نتيجه روعه ... بدون مدح بنفسي
اذا عندكم طرق حلو تقديم جديده ومجربه لا تبخلون علينا ...... وكل عام وانتوا بخير مقدما