حملة رشاقة أنثى مع ريجيم التمر متجدد

1. طيب خليني احطك ببين خيارين!!!


2. الخيار الأول ...

بسم الله الرحيم ..
السلام عليكم فراشات(رشيقات المستقبل ان شاء الله)
لما تشترين فستان سترج ... لونه يجن .. بعيد عن الاسود الي تخدعين فيه الانظار ويخفي عيوبك ... بعدتي عن الألوان الفاتحة وكله بسبب عيوب الجسم والزوائد... قهر!!!
رحتي محل .. عجبك قميص دخل مزاجك بقوة ... دورتي مقاسك وماالقيتيه!! قهر!!!
اذا متزوجة... زوجك يطالع النحاف او يذكرك بأيام خطوبتكم ايام كنتي نحيفة فيها !!! قهر!!
عزباء بنوتة توك في عمر الزهور ووزنك لا يطاق وجسمك مآساه والزوايد حدث ولا حرج!!! اذا كبرتي وش بيصير فيك!!!
طبعا .. السمنة مشكله يعاني منها الكثير من فراشات المنتدى .. وأنا وحده منهم .. طيب !! الى متى نحط رجل ع رجل (اذا قدرنا طبعا مع انه اشك انه نقدر نحط رجل ع رجل والشحوم مالية جسمنا كل مكان) .. سهر .. أكل فاست فوود ... وشوكولاته وحلويات .. ونقول نبي نضعف!!
طيب يا قلبي انتي !! تبين تضعفين!!! تبين اللبس يكون عليك جنان؟!!! طيب !! مو الي ضعفوا أحسن منك بشي!! هم كانوا متان وضعفوا .. وانتي بيدك الشي هذا .. بس تدرين وش الفرق!!!!!! الفرق انه هم عندهم عزيمة وانتي لا!!!! لاتزعلين!! بس هذا الواقع!!!
تقولين لي والله انا اسوي رييجيم اسبوع اسبوعين وأمل واتركه!!! ليه ياحيباتي انتي!! مافي شي بيجيك بالحياة هذي بدوون تعب!! في مثل اجنبي يقول ... ( مافي تعب .. مافي كسب) .. وهذا صحّ!

طيب خليني احطك ببين خيارين!!!

الخيار الأول ...

كلي الي تبينه ... ودقي بالخمسة ع السفرة.. وكثري من البيبسي لاهنتي .. وشوكولاته .. تهني ... وبالنهاية (بعيد عنكم ان شالله) .. النتيجة\ ارتفاع الكلسترول.. ظغط.. سكر... احتكاك بالركب بسبب السمنة.. اكتئاب وعدم الرضا بجسمك ... ألم بفقرات الظهر ناتج عن الظغط الي يسببه الوزن الزايد.. .
الخيار الثاني\
تتبعين ريجيم غذائي معين ... أكل صحي ... نفسية حلوة ... نشاط ... صحيح راح تتعبين كم يوم .. بس .. يكفي انك راح تحصلين ع شيين ... الصحة أولا... الرشاقة ثانيا ...
طيب.. بما انه انا فتحت الموضوع.... ابي ارجع اتكلم عن موضوع الفراشة السمراء جزاها الله خير...... الي هو ريجيم التمر واللبن ...
طبعا .. انا ماحطيت الموضوع هذا الا بعد ماقريت كثير عن الريجيم ... وقريت تجارب كثير ناس سوته واستفادت الحمد لله ...
اتمنى ان كل وحده تدخل ع رابط الموضوع وتقرا التجارب ... عشان تتحمس ...
هذا هو رابط موضوع الفراشة السمراء
طبعا .. الريجيم هو ..
الفطور ... 7 تمرات .. + كاس لبن
الغداء.... 7 تمرات .. + كاس لبن
العشاء... 7 تمرات .. + كاس لبن في ناس نحفت عليه 7 كيلو بالاسبوع ..
وفي ناس نحفت عليه 5 كيلو ..
وفي ناس نحفت ب ثلاث ايام 3 كيلو ..
طبعا يختلف ع حسب كل جسم وتركيبته ..مش تجربيه يوم او يومين وتبطلين!! او تدخلين عليه اكل ثاني وتقولين مانحفت!! اي اكل غير التمر واللبن ممنوع منعا باتا!!!
قبل لاتبدأين الدايت هذا .. .. حطي في بالك انك راح تجوعين.. طيب واذا جعتي؟؟؟ماراح تنتهي الدنيا احتسبي الأجر من ربي .. وتذكري اخوانا الفقراء وكيف يعيشون...
طيب ياحلوة .. عشان تبدين الدايت ..:
1-اول شي .. والي ينصحون الدكاترة فيه.. انك تحطين لك هدف.. مو مرة كبير .. يعني ..مثلا .. انا وزني عشان يصير مقبول لازم انحف 10 كيلو... بس... احط هدف أول .. واٌقول .. انا حاليا ابغى أنزل 5 كيلو ..
لانه بالطريقة هذي لما تنزلين ال 5 كيلو باذن الله ... راح تتحمسين تكملين وتقولين يلا ابي انزل 5 كيلو ثانية .. وهيك ...
2-اوزني نفسك قبل تبدينه ... يعني اليوم الي راح تبدين الدايت فيه قيسي وزنك الصباح ع الريق..
اكتبيه في ورقة .. وزنك ... + التاريخ واليوم .. وكل نهاية أسبوع قيسي نفسك مرة ...
3- كافئي نفسك ... مثلا.. (لما اضعف 3 كيلو هالاسبوع ان شاء الله راح اكافئ نفسي بطلعه مع البنات ) .. أو .. راح اكافاء نفسي بقطعه قاتوا من الي يحبها قلبك!! وهيك ..
4- لا تيأسين ... وراك لما كنت تاكلين أكل الشر ماكنتي تيأسين والحين عشان تضعفين في يومين قلتي بس تعبت ماقدر اكلم وكلام دلع!!!
5- طبعا .. في ماشاء لله الكثير من الذكيات الي ممكن تقول .. والله انا اليوم قللت عدد التمرات في الريجيم وأكلت بس 10 تمرات .. و1 كاس لبن بس طول اليوم .. برافو عليك ياحلوة الي سويتيه هذا خطأ!!!
تسأليني ليه؟؟ انا اقولك ليه .. ماعمرك شفتي ناس حرام ماياكلون الا مرة باليوم وجبة وحده في اليوم وياعيني مساكين يعانون من الوزن الزايد مع انه ماياكلون الا وجبة وحده!!! والسبب يا أمورة انه جسم الانسان لما ماياكل يقوم الايام الاولى يضعف شوي .. لانه يفقد كل المخلفات الي بجسمه ÷اقصد بالمعده ولأمعاء.. بعد هيك الجسم ذكي.. يقوم ياخذ أي كمية بسيطة تاكلينها ويخزنها ك دهون .. عشان يخاف انه انتي ماتاكلين ك العاده ...وهذا االي يسبب سمنة بعد..
صحيح!! كل شي يزيد عن حده ينقلب ضده ...
يلا الحين باذن الله .. خلونا نبدأ .. ونحمس بعضنا ... ونشوف الارادة والعزيمة ... وباذن الله كل وحده راح توصل للهدف الي تبيه
نبي مجموعة من البنات تسوي الريجيم هذا.. والي بادية فيه من فترة بسيطة .. ياليت تكتب الطول .. الوزن قبل الريجيم ..الوزن الحالي و الهدف الأول .. عشان نحمس البنات ...
.. تقبلوا حبي واعتذاري....
تحياتي ..