دجاج بالمانجو

السلام عليكم ورحمة الله و بركااته
صباح الخير يا حلوات
والله فاتكم امس سويت دجاج بالمانجو وكان طعمه خيال
طبعا الفكره جاتني من مطعم في ماليزيا لما رحت له كان عندهم
واليوم غامرت وسويت قريب منه
وبقولكم المقادير و الطريقه واللي تسويه ويعجبها تكتب رايها بصراحه عشان الكل يستفيد
المقادير
دجاج بدون جلد وعظم مقطع طوليا
زنجبيل ناعم
ثوم ناعم
كزبرة ناعمه
زيت زيتون
حبه مانجو مقطه زي الدجاج
صلصة صويا
بهارات (ملح-كمون-فلفل حار حسب الرغبه)
الطريقه
يبهر الدجاج بوضع الثوم والزنجبيل والفلفل ويترك ساعه ويمكن اكثر
يوضع قليل من الزيت في قدر ويوضع الدجاج ويقلب باستمرار
ولما يقرب يستوي يوضع الكمون والملح والكزبرة وقليل من صلصة الصويا
( صراحه انا احب اكثر شوي )
ويقلب ولما خلاص يستوي ضعي شرائح المانجو
وقلبي على نار هاديه
ارفعي القدر عن النار
ياكل مع المكرونه او ساندوش
وبالعافيه