دجاج بصلصة الباربكيو وارز بطريقتي مع صورهم

1. 2 جزر


2. الطريقه:

كيفكم عضوات منتدى الفراشه ..؟؟
هنا بعرض لكم طريقه لطبقين انا سويتهم ومن تأليفي ..بس الرز طريقة تقديمه ما خذتاها من طبق ثاني..
ولعيونكم ..نزلته هنا..
المهم ابدأ لكم..
(( الدجاج بصلصة الباربكيو ))
المقادير:
3حبات بصل
دجاج
فلفل رومي
حبة طماطم
صلصلة الباربكيو
معجون طماطم
بهارات
ليمون اسود مطحون
الطريقه:
قطعي 3 حبات بصل متوسطه أنصاف شرائح رقيقه..ثم حطيها في قدر وحطي عليها زيت وخليه الى ان يصير لونه اشقر
ثم جيبي دجاجه وانزعي الجلد وقطعيها قطع وسط..
وحطيها على البصل واضيفي رشه من البهارات وليمون اسود وحب حار وقلبيه الى ان يصير شكل الدجاج ناضج من الخارج
ثم جيبي 2 فلفل رومي كبيره وقطعيه طولي وجيبي طماطم وقطعيه مربعات صغار وحطيه على الدجاج..
وحطي 3 ملاعق من صلصة الباربكيو و3 ملاعق معجون طماطم
وقلبيه الى ان ينضج الدجاج تماما وطبعا ملحيه>>> كعادتي انسى الملح في الاخير..
(( الرز )) ...
المقادير:
بصل
رز
ورق غار
عودين قرفه
ليمون اسود مطحون
بهارات
ماء
2 كوسة

2 جزر

الطريقه:

خذي 2 بصل كبار وقطعيها مربعات صغار وحطيها في قدر وحطي عليها زيت غطيها تماما..واقلي البصل الى ان يصير لونه بني فاتح وبعدين خذي بمقدار3 ملاعق منه وحطيه على جنب..ثم كبي الزيت الزائد عن جاجتك وحطي على البصل.. الرز ..وحطي عليه ملعقه متوسطه ليمون اسود وبهارات وورق غار و القرفه ..وقلبيه لمدة دقيقتين ثم حطي فوقه الماء اللي يكفيه وملحيه
وخليه إلى أن يستوي الرز..
وفي أثناء طبخه خذي الكوسة والجزر وقطعيه طولي واقليها..
وبعدين خذي القالب اللي بشكل هرمي متعرج وحطي عليه الجز والكوسة المقلية ثم عبيه بالرز واضغطيه زين..
ثم كبيه في صحن بحذر عشان ما يخرب الشكل..
بعدين حطي في الرأس البصل اللي حطيتيه على جنب..
وبالهناء والعافية...
وأي استفسار انا حاضره..
وإن شاء الله يعجبكم,,