رحت أنت وزوجتك للمطعم و خلصت السوالف وش تسوي

1. نصيحه أخويه و اتمنى اني احصل منكم ايضا تعليقات و زياده ع الموضوع

اول شيء مساء / صباح الخير للجميع
موضوع قريته واعجبني وحبيت
انقله لكم اوفيدكم
بصراحه هالموضوع يشكل اشكاليه كبيرة و كثيره عندنا لما تروح انت و زوجتك للمطعم و تنتهي سوالفكم و كل الحكي بيخلص تبداء تصير الطلعه ممله بعض الشيء
و خصوصاً إذا سمعتوا الجلسه اللي بجنبكم كلها ضحك و فروفشة ووناسه ...
اخي / أختي الكريمه للأمانه كلنا نعرف ان المطعم او الكوفي شوب هو المكان اللي تقدر تغير فيه الجو ودائما نلجاء له مشان نتصارح و نحل الكثير من المشاكل و المصارحات

نصيحه أخويه و اتمنى اني احصل منكم ايضا تعليقات و زياده ع الموضوع

أول ما تدش المطعم أو الكوفي شوب .. خل المدام تمسك القائمه و تختار لك ع ذوقها و لازم تستغل و قت القائمه بالساوالف مثل ( والله انتي فاهمتني و فاهمه اللي ع بالي , أحس انك اليوم بتبدعين بالاختيار , مدري ليش اليوم مشتهي أتعشاء م ع ذوقك .... الخ )
طبعن نصيحه للجميع لا تطلب الا و انت بجنب زوجتك او انتي جنب زوجك حاول اذا مالك خلق تطلب او انتي اذا شفتي الرجال متحمس مع القائمه انك تحطي راسك ع صدره و تطالعين بالقائمه طبعن بها اللحظات انصحكم بالكلام الحلو و اللمسات الناعمه يعني تحط يدك ع شعرها ع كتفها ع يدها )
وقت القائمه مهم انكم بجنب بعض ولا تطلبوا الا من قائمه و حده ولا ترا بدايه الطلعه ما تحمس ...
لاحظ معاي انه بيروح اكثر من عشر دقايق و انتم في سعه صدر و جوكم رايق ... ( لا احد يقول استحي او زوجتي / زوجي مستحيل اعمل معاه كذا جرب وشوف )
بعد مانتهون من الطلب و يجي الجرسون يستلم الطلبات حاول / حاولي انك ما تكثر ع عقبات بالاكل يعني اذا طلبت زوجتك طلب انت مب مشتهيه مره عادي مشي لا تقول انا ما اكل و انا ما افعل لازم شويه تنازلات مشان ما يغبش عليكم اي شيء
بالنسبه للعامل اول ما ينتهي من الطلبات لا تغيرون اماكنكم يعني مب تروح ما تصدق ع الله ان الطلب انتهى لا
ركز معاي ابيك تكون / تكوني ذكيه ..
قول لزوجك ( كلمه زوجك يعني ذكر او انثى ) تسمح لي اروح اقابللك اذا قال لا حلو
اذا قال ايه حاول ما تروح قول له بقعد ع قلبك و اجلس يالبحضن او استهبل شوي طبعن اللحظه هذي بتقلب ضحك شوي وأكيد بقول لك قصر صوتك لا تفضحينا و انت ما عليك منه
أجلس شوي ثم روح و اجلس مقابله ..
اول ما تجلس قباله أمسك يديه و ركز بعيونه و عطه كلمه غراميه مثل ( و الله احلا الاماكن القاها و اياك , انت ذوق و محللك ذوق , يالبيه بس يالعيون والله انك كل الدنيا بعيوني , من جد انت تحبني ..! ....الخ )
طبعن اللحظات اللي بالمطعم هي لحظات قلليله مب كل وقت تحصل مشان كذا لازم الغزل يكون موجود بقوه لان للاسف اكثرنا ما يقول كلمه أحبك الا ع السرير بسس ..!
طبعن كنصيحه اخو مني لكم حاول ان الطلعه يكون جوها رايق و رهيب .. بمعنى اذا رحت للمطعم وقال احدكم نكته او سالفه تضحك بس مش مره انت حاول تعطي صاحبك الجو و تضحك و تفرفش
فيه حركه سمعتها عن و احد من الشباب يقول قبل ما اروح اي مطعم ادخل النت و اسجل في جوجول بحث سوالف طريفه او سوالف تضحك اي قصه تضحك اقراها و صغها بطريقتك العاميه
و اكتب رؤوس اقلام للقصه في جوالك مشان ماتنساها و اذا تاخر الجرسون تقدر تسولف و صدقني انها تجيب نتيجه مثاليه
بس انتبه من القصص يعني مب تجيب سالفه للملك عبدالعزيز و حروبه ..!!
جب سالفه شبابيه مشاكل اجتماعيه و حلوها سواا
نصيحه مره ثانيه اي و احد منكم يجيب سالفه حاولوا ما تسالون وش المصدر ولا من وين جبتها يعني لا تدقق
طبعن اذا جاء و قت الأكل اكيد ما يخفا عليكم انه يجب عليك انك تاكل زوجتك و تاكللك اهي
تاكد انها تاكل من فمك يعني لو تطلب مكرونه امسك بفمك طرف و انتي طرف و النهايه ضحكه بريئه
لا تحاول تاكل بصل او ثوم ... اخواني الشباب بدون زعل انا لاحظت ان الشباب ما يراعي سالفه الثوم و البصل تحصله ياكل بالاستراحه و اذا جاء البيت يبي يبوس بوسه فرنسيه ما تجي ؟
اذا كنتوا متقابلين لازم و هذي من الاشياء الحلوة انه يكون فيه تلميس بالأرجل بينكم من تحت الطاوله
لازم تكون الابتسامه موجوده طول الوقت
قفشات
الاولاد قد ما تقدر تصرفهم صرفهم لا يجون معك خصوصن للكوفي شوب او المطعم الراقي
معدل ان الزوج يروح مره بالشهر للمطعم بس يكون راقي و ثلاث مرات كوفي شوب اشوفه معدل مميز
انصحكم تصحون و تفطرون يوم الخميس بدري لان الجو و المخ يكون صافي
حاول انك تحط الاسئله الحلوة مثل وش رايك فيني وش احلا شيء عملته لك الاسبوع هذا بالمطعم او الكوفي شوب يعني لاتسال اسئله تضيق الخلق وبرضه لا تجاوب اجوبه تضيق الصدر
كل مطعم وله جو يعني تروح مثال لستيك هاوس او فيدركرز صحيح انها غاليه شوي لكنها مش رومانسيه
عزيزي الرجل اعرف ان الحرمه تقيس جمال المطعم 60 بالميه ع الاثاث و10 ميه ع الهدوء و 30 بالميه جوده الاكل
مش عيب انك اذا دشيت مطعم وشفت الاغاني مرتفع صوتها تقول للجرسون خفض الصوت لانه محرم الاكل بالاغاني و برضه هذا يبعث للزوج انك انسان فيك ايمان و دين
ع فكرة انا مش مطوع بس يبقى الدين هو تاج رووسنا و علينا احترامه
بالاخير اتمنى لكم احلا الاوقات ولا تنسون تذكرون بعض بالبسمله عند الاكل
ولا تنسون و انتم راجعين بالسياره تمدحون الرحله و انها كانت روعه
منقول