رز إيراني ياخذ العقل ومرة بسيط

1. اليوم اتكرمت عليهم وبرضى نفس >> ركزو رضى نفس


2. دخلت المطبخ وجهزة عدتي وسويت رز إيراني خطير

احم احم الصوت واضح طيب كويس
كيفكم ياحلوين وشحتوني والله ههه
طبعا بعد اول طبخه في حياتي الرز التونه اهلي اخذو وجه عليها وسرت الشيف روان ولازم كل يوم اطبخ

اليوم اتكرمت عليهم وبرضى نفس >> ركزو رضى نفس

دخلت المطبخ وجهزة عدتي وسويت رز إيراني خطير

اول شي جبت 5 بصلات وقطعتها حلقات حلو ....حطيت ملعقة غرف سمن فارم وخليتها لين سار لون البصل اصفر وجبت دجاجة ونص قطعت الدجاجه اربع اقسام يعني سار عندنا 6 اقسام حلو وحطيتها فوق البصل وقلبتها شويا وجبت راس ثوم كامل وفرمتو وحطيتو على الدجاج وجبت مكعبين ماجي وحطيتو فوقها وكمان ملعقتين اكل إبزار مشكل >> امي تجيبو من عند وحده حرمة تسوي
المهم قلبتها مع بعض لين حمر شويا البصل وجبت الزرخش (رمان ناشف تلاقو في مندرين في المدينة) وحطيت ملعقتين حلو وقلبتها لين سار لو الدجاج اصفر >> بسبب الإبزار المشكل وقفلت علي النار
وبعدين غسلت 6 كاسات رز وسويتها لوحدها وقبل مايستوي مرة حطيتو فوق الخلطة حق الدجاج وخليتو على نار هادية وبعدين جبت زعفران وشويت موية وقلبتو وبعدين صبيتو فوق الرز وخليتو ابو 5 دقايق وبعيدن غرفتو واكلو بس المرة دي البابا مدحني احم احم
قال شاطرة بنتي خلاص دامك تعرفي تطبخي نزوجك >>لاتفوقتكم الأبتسامة شقت حلقي انا من الصباح اطبخ عشان هاذي الهرجه ههه
يلا اشوفكم في طبخه جديده
الشيف روان >> مصدقة نفسها