سؤال ريجيم للأرداف

السلام عليكن ورحمة الله وبركاته
أخواتي في الله
عايزه استشيركم في موضوع بخصوص الرجيم وأتمنى كل اللي يعرف حل للموضوع ما يبخلش علي بيه وجزاه الله خيرا مقدما
انا من النوع النحيف من فوق وتخين من تحت وخصوصا الأرداف عامله زي كوره كده .. ولما بعمل ريجيم بيبان على الجزء العلوي من جسمي جامد ومش بيبان على اللي تحت اوي والأرداف زي ماهي
مع العلم ان الريجيم اللي بعمله مش كيماوي ولا سريع ولا أي حاجه وبيعتمد في الأول والآخر على الامتناع عن الأرز والخبز والإكثار من الخضروات والدجاج وبتجنب الحلويات وممكن مثلا كل فترة آكل معلقة أرز او حتة خبز او معلقة حلويات لكن مش بأسرف وكمان عشان ما احسسش نفسي انني محرومه من الحلويات ولما أبطل ريجيم انقض عليها واتخن تاني
لكن مشكلتي انني مش عارفه انزل الأجزاء السفلية من جسمي وخصوصا الأرداف لانها بتسببلي احراج ومش أي لبس بيجي على مقاسي وفي نفس الوقت وسطي رفيع واللبس اجيبه واسع عشان يكفي الأرداف يكون وسطه كبير اوي علي
أتمنى كل واحده تدخل تقوللي أي تجربه عملتها او سمعتها بتقلل من محيط الأرداف وربنا يرزقكم جميعا أولاد الحلال
وجزاكن الله خيرا
وكل عام وأنتن بخير وصحة وعافية وسعة رزق