سؤال عن اللقيمات ارجو الاجابه من ذوي الخبره

كيف تعجنيه أنتي وكيف حجم القطع الي تحطيه
أنا ياعمري القيمات الي أسويها عباره عن كل كوب من الماء يقابله كوب من الدقيق ملعقة صغيره من الخميرة ملعقه سكر ربع ملعقه ملح وأخليها تخمر نص ساعة واذا حابه ان لونه يصير اصفر احط زعفران والزيت يكون غزير وحار والنار أكون رافعه عليها مو مره مع التقليب المستمر
والله يساعدك ان شاء الله

مشكوره اختي الجروح الصامته على ردك....
وانتظر من اخواتي ردودهم حتى نستفيد اكثر

المقادير : كوبان دقيق
ملعقه صغيره خميره
ملعقه كبيره سكر ناعم
ملح ملعقه صغيره 3
ملاعق كبيره بودرة كاسترد
كوب ماء دافيء
الطريقه :
= يعجن الجميع بخفه وحاولي تكون العجينه مثل كثافة الكيك واتركيها تتخمر من نصف الى ثلاث أرباع الساعة
= حمي الزيت ولما يسخن خفضي الحراره وابدئي بتكوير العجينه وضعيها في الزيت مع التقليب المستمر حتى تشقر ارفعيها وجففيها من الزيت ورشي عليها عسل ... لذيذه من جد وبتلاقين وسط اللقيمات مافي شي وهي مقرمشه طريقتي في التكوير وهي انك تحطي العجينه في كيس ( يفضل اكياس اللحم الخفيفه) وقصي الزاويه بحجم الكور اللي تبغيها يعني اذا كبرتي القص راح تطلع الكوره كبيره والعكس

اختي العزيزة خذي هذة الطريقة وارجوا ان تعجبك
1كاس دقيق- 1كاس ماء -ملعقة خميرة -2 ملعقة حليب بودرة -رشة ملح -رشة سكر-
1 ملعقة زيت -1 بيضة
تعجنيها وتتركيها حتى تخمر وتقليها كور حسب الحجم المطلوب في زيت حار ارخي النار وحطيها
بعدين ارفعي النار وقلبيها باستمرار حتى تحمر وبالعافية .

انا سامعه ان الدقيق الكويتي مو زين تجنبيه

فتاة القصيم...حزن الرياض ...يعطيكم الف عافيه وماقصرتو بجربها واخبركم بالنتايج
توتي الصغيره.... بس انا مااستعمل الا دقيق الكويت تتوقعين منه المشكله؟؟

ما اعتقد دقيق الكويت له دخل يمكن انتي ترخي العجينة شوي .. لازم تكون عجينة اللقيمات لما تشيليها بالملعقة تمط وتنقطع معاكي فيها شوية ليونة بس مو زي الكيك اثقل شوي....انا مجربة طريقة الاخت فتاة القصيم وبصراحة مرة روعة ..

بنات تسلمون جميعا على تجاربكم ..بس سؤال يا فتاة القصيم ؟ وش فايدة الكاسترد في اللقيمات ؟استنا ردك

شوفي حبيبتي انا معندي خبره ذاك الزود بس اكتشفت ان دقيق الكويت ماينفع حق اللقيمات لانه يشرب زيت و ينفع حق الكيك والفطاير
من رد سابق لي في موضع عن اللقيمات
انا كانت ماتظبط معاي اللقيمات حتى الجاهزه
لكن هذي الطريقه اخذتها من اختي الله يجزاها كل خير ويرزها باذريه الصالحه وطلعت مره حلوه مشاءالله
المقادير تكفي حق شخصين اوثلاثه
1كاس دقيق ابيض فاخر ((جربت دقيق مطاحن الكويت مظبط معي))
3ملاعق حليب بودر ----1ملعقه كبيره خميرة---- 1ملعقه صغير سكر ---رشة ملح---- رشة فانيليا
ربع بياله زيت ---- بيضه ---- كاس الاربع ماء اوزياده شوي او اقل شوي حسب الحاجه
وتخلط المقادير الجافه ثم السايله وتعجن لحد ماتصير مثل خليط الكيك الخفيف واعجنيها زين زين السر بالعجن لحد ماتصير العجينه ناعمه مافيها اي كتل وبعدين لفيها وحطيها بمكان دافي نص ساعه او ساعه الاربع لحد ماتتخمر وبعدين قبل القلي حركي العجينه بيدك مرتين ولقمي بملعقه صغير مغطسه بماء وبالعافيه
ملاحظه::اذا طلعت اللقيمات معجنه من داخلها بعد القلي هذا لانك قللتي الماء على العجينه يعني اذا بغيتي تسوينها مرة ثانيه زيدها شوي مويه
واذا طلعت شاربه زيت فانتي زودتي الماء على العجينه وانتبهي المره الثانيه ::
واذ تبينها تصير مقرمرمشه صغريها وانتي تلقمين يعني ربع الملعقه الصغيره عجينه وبنتفش وبيصير مافيها عجين الا شوي وطعمه حلو بعد اتمنى تكوني فهمتي شرحي لاني للاسف مااعرف اشرح
جربيها وقوللي رايك فيها وادعيلي اذا اعجبتك