سر طباخات ام فلان

يوم كنت عند اهلي كانت قريبتنا
ذائعه الصيت
الطباخه ام فلان
والله شقول لكم ريحه طبخها غير لونه غير نكهته غير
كل شي فيه غير
ونسالها شو السر
تقول ولا شي اطبخ عادي
وهي صادقه طبخها من طبخنا
ومرت الأيام والشهور ويات ام فلان وخطبتني لولدها
وانا ما صدقت >>>عشان اكشف السر
ووافقنا وتم كل شي
و وانتو فاهمين
بعد ما تزوجنا باسبوع قالت لا تاخذون بهارات من برى انا بعطيكم
فتحت فريزر
شنو تتوقعون شفت
أكبر تجمع بهارات مجففه ومفرزنه
وعطتنا من كل شي
وهي تقول هذا بهار بارد
وهذا حار
وهذا لكل انواع البرياني
وهذا للشوربات بس
و
وقعدت تعدد لي
طبعا كان حبوب مجففه وعطتني منه اشوي وطحنته قدامي
وقالت كلما خلص قولي اطحن لك
طلع السر في البهارات الجديده
حتى مره خواتي جاو تغدو عندي قالو لي صرتي تطبخين مثل عمتج ام فلان
وطبعا كشفت السر
تاخذ بهاراتها من العطارين بدون طحن وتستخدمها
طازجه بعد الفرم على طول وهذا اللي يعطي طبخها كل هذا