سر كراهي شيزان اصبح بين يديك الطريقة بالتفصيل

كراهي شيزان
المقادير:
المجموعة (أ)
1 بصل كبير
3 فصوص ثوم
1زنجبيل طازج وسط
زيت تقريبا نص فنجان قهوة
المجموعة (ب)
علبة كاملة دجاج صدور بدون عظم
ملح حسب الرغبة
المجموعة (ج)
2طماطم طازج +نصف معجون طماطم
ملعقة صغيرة من بهارات مهران المشكلة
المجموعة(د)
كزبرة ربع حزمة
بقدونس ربع حزمة
نعناع خمسة اعواد
2 فلفل حار(او حسب الرغبة انا بالنسبه لي احبه حار)
المجموعة (ه)
علبة قشطة التاج او أي نوع
2ملعقة جبنة سائلة
نص فنجان قهوة موية
الخطوة الاخيرة :
زعفران برتقالي بودرة
للزينة نخلي شوي على جنب من المجموعة(د) ونرشها في صحن التقديم على الوجه
الطريقة: نضع مقادير (أ) في الفرامة ونفرمها كلها فرم خشن
بدون اضافة الزيت طبعا
بعدها نضعها بقدر ونضع الزيت عليها ونكشن ونخليها حتى تصير ذهبيه
بعدها نضيف مقادير (ب) ويكون الدجاج مقطع مكعبات وسط
ونخلي الدجاج على النار حتى يستوي وبعدين نضيف الملح
وبعد مايستوي الدجاج نضع مقادير المجموعة (ج) الطماطم يكون مقطع ارباع يعني اربع قطع كبيرة ونضيف معجون الطماطم
ونضيف بهارات مهران المشكلة
ونتركها بس شوي لاننا مانبي الطماطم يذوب
وبعد مانحركها نضيف المجموعة (د)
طبعا كلها تاخذينها وتجمعينها مع بعض ماعدا الفلفل
وتفرمينها بالسكين فرم خشن وتحطين على الكشنة وتبقين شوي للزينة
والفلفل يتقطع شرائح مائلة رفيعة وتحطين كمان شوي والباقي تخلينه للزينة
بالنسبة للمجموعة(ه)
نخلطها كلها مع بعض ونضيفها على الكشنة وتكون مش سايلة ولا ثقيلة متوسطة
ونخليها شوي وبعدها نضيف اخر خطوة الزعفران البرتقالي ونلون لحد مايطلع لنا نفس اللون
ونطفي ونضعه بطبق التقديم ونرش عليه الزينة الباقية من المجموعه(د)
وبالهناء والعافية
ترى تعبت عليه سنة وانا احاول اكتشف مكوناته وفوق هذا مابخلت عليكم
ابيكم تدعون لي بالذرية الصالحة
واي وحدة تسوي تعطيني خبر وتنزل الصورة