سمك فيليه مقلي بالصور

السلام عليكم ورحمة الله وبركاته،
شخباركم عضواتنا الكريمات؟ عساكم بخير وبصحة وعافية،
طبقنا اليوم بحري بس لذيذ لدرجة،
(( سمك فيليه مقلي ))
المقادير:
سمك فيليه (سواء شعري أو هامور ) منقع من الليل في <كوب عصير ليمون + فلفل أبيض + ملح + رشة صغيرة بهارات + سنوت + ملح + ثوم مطحون + رشة زنجبيل مطحون>
قطعة زبدة + إشوي دهن للقلاي
رز (آنا أحط فيه مكعب ماجي للأرز )
طماطم أو آلو حسب الرغبة،
وهذه صورة السمك عقب ما طلعته من الثلاجة
الطريقة:
ناخذ المقلاية ونخلي الدهن، ونتفة زبدة ( علشان يكون فيه قرمشة وأحلى بعد يصير )
خلي السمك في المقلاية، وخلي النار هادية حدها، وكل إشوي قلبي فيه، لين ما تحسينه إستوى،
وهذه صورة للطبخة في النهاية مزينة بالطماط المقلي،
وما ننسى نقدم الطبق مع الرز وفوقه (زوريش الإيراني مع قطعتين إصغار زبدة، يسيحون على العيش الحار) والسلطة وأكيد شربت فيمتو
وصحتين وعافية
مماراقي لي