شاورما نفس طعم السوق

شاورما نفس طعم السوق وعلى ضمانتي
بسم الله الرحمن الرحيم
هذي طريقة الشاورما البيتي دايما اسويها لاخوان
والفها بورق واقول لهم انها من برى وياكلونها ويصدقون اوفر واسرع.
المقادير والطريقه:
صحن صدور دجاج مخلي من العظم او دجاجه انتي تسحبي العظم منها.
قطعيها شرايح طويله ورفيعه شوي .
عصير ليمونتين.
ملعقة اكل خل ابيض.
ملعقة شاي فلفل اسود او ابيض.
اربعة فصوص ثوم مهروسه.
رشة ملح.
اخلطيها مع بعض وحطيها في الثلاجة لمدة نص ساعه او ساعه الا ربع لا تطول عشان الثوم .
قطعي البصل شرايح رفيعه وقلقليه في زيت لين يذبل ويتغير لونه
بعدين حطي خلطة الدجاج على البصل وحركيه لين يستوي.
للتقديم تحتاجين ل :
عيش لبناني (خبز لبناني)
مايونيز.
بطاطس مقلية.
مخلل خيار.
ادهني العيش(الخبز)لاختلاف المسميات واللهجات
ادهنيه بالمايونيز وحطي المخلل والبطاطس واضيفي الدجاج ولفي
العيش بورق السندوتشات تقريبا كل ساندوتش يحتاج ورقتين.
بالله جربوها وشوفو فيه فرق بينها وبين شارورما السوق
بالعافيه.
منقول