صينية الدجاج بالخضار يمي يمي سهله و سريعه و لذيذة بالخطوات المفصلة و الصور

السلام عليكم حبيباتي الفراشات
هذا اول موضوع لي هنا في منتدى الطبخ
هذا الموضوع منزلته في منتدى ثاني ,,,
نبدأ بسم الله ..
خطوة بخطوة ..
و تقدري تختاري اي نوع من الخضار ..
الطريقة ..
نقطع البطاطس و البصل دوائر و الفلفل البارد بشكل طولي..
نسلق الدجاج المقطع بالموية سلقة اولى .. عشان يروح الزفر
نخليه إلى ما يغلي غليه وحدة بعدين نغسل الدجاج و نكب مويته و نحط موية جديدة مع ورق الغار و هيل و ملح
نرص البطاطس اول شي في صينية الفرن
طبعاً البطاطس لازم تكون حلقات نحيفة عشان بسرعه تستوي ..
و فوقه البصل الحلقات ..
و بعدين الفلفل البارد و الحار
و لما ينسلق الدجاج نحطه فوقهم .. بس ما نكب موية الدجاج
نصفي موية الدجاج ..
و نحط عليها ملعقتين معجون طماطم و شوية بهارات و ملح و فلفل اسود .. وإلي تحب الشطة تحط بتطلع لذيذة حيل ..
بعد ما خلطناه ..
نصبه في الصينية و نحط بعد الليمون الاسود ..
اهم شي تكون الموية مغطية البطاطس لانه هو إلي يحتاج طبخ ..
و إذا احتجي موية زياده ضيفي مو مشكلة ..
بعدين اتركية يطبخ انا حطيته على عين الفرن ممكن تحطينه داخل الفرن بكيفك
و كذا لما استوى
و هينا زوم اكثر
و عملت معها رز ابيض و سلطة المكرونة بالبطاطس المشوية .. راح انزل الطريقة لكم بعدين
و هينا سفرتي غداي كاملة ..
ان شاء الله يعجبكم .. مع الف تحية ..