صينيه خضار بالفرن بالخطوات المصورة يم يم

السلام عليكم
بنات جبت لكم اليوم صينيه خضار سويتها وصورتها لكم ... وهي سريعه جدا ولذيذه بعد
المقادير ...
صدور دجاج مقطع مكعبات
بطاطس مقطع مكعبات
باذنجان مكعبات
كوسا مكعبات
بصل شرائح
بازلا
ملعقتين زيت
ملعقتين معجون طماطم
اول شي تقطعي الخضار كلها مكعبات .. وتخلطيها مع بعض
وتحطيها بصينيه وتحطي فوقها الدجاج والبازلا ..
وتضيفي عليها ملعقتين زيت وتحطي بهارات وملح وتقلبيها كلها لما تحسيها تتبلت بالبهارات زين
وبعدين تجيبي كوب وتحطي فيه ملعقتين معجون طماطم وفوقها مويا دافيه تقريبا ثلث كوب او نص كوب حسب صينيتك ..
بعدين تغطيها بقصدير وحطيها بالفرن من تحت لحد ما تستوي .. وكل شوي افتحي شوفيها لان احيانا تنشف المرقه بسرعه فزيديها شوي لا تكثرين
وهذي صورة اول ما طلعتها من الفرن ......... قريبه عشان اجوعكم ..
وممكن تحطوا معها رز ابيض وخبز وبالعافيه عليكم ...