طاجن دجاج حلى تشيز كيك من مطبخي بالصور تفضلوا حياكم

((الغرام* العذب))

26-10-2022 - 08:45 pm

قليل من الماء

بسم الله الرحمن الرحيم
حبيباتي .. الموضوع مبين من عنوانه <<<<<<<<< يعني افهموها ما اعرف بالمقدمات
أولا عندي طلب بسيط مره (( اللي تقرأ موضوعي تدعي لي ولكل محرومه بالذريه الصالحه )
يالله جاهزين <<<<<<<< حشى كأنكم في مسابقه
اولا مقادير .... & طاجن الدجاج والخضار &
المكونات :::
نصف دجاجة مقطعة الي نصفين
2بصل كبير مفروم خشن
1طماطم كبيرة مقطعة الي شرائح
1فلفل اخضرصغيرة مقطعة الي شرائح
1بطاطس متوسطة مقطعة شرائح
1جزر متوسطة مقطعة قطع صغيره
2 ملعقه معجون طماطم
حبه مرق ماجي

قليل من الماء

لفة قصدير صغيره بهارات مشكله ( فلفل اسود .. كمون .. ورق غار .. شوي هيل مطحون .. وأي نوع بهارات عندك بالبيت ) الطريقه ..
في البدايه نحمر البصل مع البهارات وبعد كذا تضيفي الطاطم ومعجون الطماطم ومرق الماجي وأطفي النار ثم ضعي باقي المقادير بالترتيب اولا الجزر ثم رصي بعده البطاطس ثم الدجاج بالاعلى واضيفي شوي مويه ولفي عليه بالقصدير ودخليه الفرن من فوق وتحت واتركيه ساعه و اكثر
وبعد كذا ياحلوين اذا نضج الدجاج أفتحي عنه القصدير وحمريه من فوق
وقدميه مع أي نوع من الارز اللي انتي تفضلينه
والحين جاء دور حبيب الملايين ( تشيز كيك بالسنكرس ) يم يم عذاب
أولا .. الطبقه الاولى ( بسكويت دايجستف 2 مطحونه مع نص زبده ) طبعا تخلطينها سواء وترصيها بالصينيه مع الكبس عليها بقوه
ثانيا .. الطبقه الثانيه .. ( 2 قشطه * 2 دريم ويب * 2 كريم كراميل * 8 جبن كيري * نصف كاسه حليب سائل أي نوع ) تخلطيهم بالخلاط وبعدين تسكبيها على الطبقه الاولى ودخليها الفريزل مده ساعه
ثالثا .. الطبقه الثالثه .. في حمام مائي ( 6 سنكرس مع ربع زبده ) ذوبيها بعد كذا ارفعيها عن النار واضيفي عليها 1قشطه واخلطيها وانتظري لحد ماتدفى شوي بعد كذا اضيفيها على الطبقه الثانيه وتغطيها واتركيها بالثلاجه يوم او اقل وبالعافيه على قلوبكم
وهذا حلى أم علي لأول وحده ترد علي ( مافيني أكتب طريقته ) لانه معروف >>>>>>> تصرف
دعواتكم ياحلوين ولاتنسو الرد

التعليقات (8)

((الغرام* العذب))

27-10-2022 - 12:18 am

سبحان الله وبحمده سبحان الله العظيم
بناء على طلب بعض العضوات أنزل طريقة حلى ام علي
من عيوني يالغوالي هذي الطريقه ....
1- في البداية نحمص في الفرن 10 شريحة مربعة صغيرة من البف باستري
أضعها بالفرن وأفتح النار من فوق فقط ، وكل ما يتحمر وجه ، أقلب على الوجه الثاني حتى أصل للدرجة المطلوبة
وبعد كذا أحضر قوالب البايركس الصغيرة ، ومن الممكن عملها في قالب بايركس متوسط الحجم
وأقوم بتكسير البف باستري باليد إلى قطع متوسط ، ومن ثم أنثر فوقها جوز هند مبشور ومكسرات اللي تحبي وتكوني محمصتها بشوي من الزيت ( لوز او عين الجمل مدري سن العجوز وكمان فستق وصنوبر ) ونخلطها كلها مع البف باستري
نحضر الآن خلطة الحليب :
على النار نخلط
لتر حليب طازج ( أفضل قليل الدسم )
5 ملاعق طعام نيدو بودرة
فنجان سكر
علبة قشطة واحدة ( نستلة أو المراعي )
نصف ملعقة فانيليا
ملعقه نشا مذوبه قليل مويه بارده
وبعد أن تفور لمرة واحدة فقط ، نطفئ النار ونصب الحليب فوق البف باستري والمكسرات بالقوالب
وكوني كريمة بالصب ، لأن البف باستري يتشرب الحليب بشكل كبير
وبعد كذا دخليها الفرن تتحمر شوي من اعلى وتلذذي بالطعم يمي لا تفوتكم
وهذا لمن أكلت أول لقمتين >>>>>>>>>>> للتعذيب هع هع ماأقصد أحد

ام معاذ و براء و رنيم

27-10-2022 - 01:19 am

يسلمو
يعطيكي الف عافيه

beauty symbol

27-10-2022 - 02:20 am

ما شاء الله
الطاجن شكلو لزيز
والتشيز كيك
وام علي
اام
الله يرزقك ويرزق
الجميع بالذرية الصالحة

((الغرام* العذب))

27-10-2022 - 03:21 am

ام معاذ و براء و رنيم
منوره يالغلا فديت طلتك بموضوعي

((الغرام* العذب))

27-10-2022 - 04:22 am

beauty symbol
هلابك حبي منوره ربي يسعدك ويسمع منك مشكوره على الدعوه