طريقة عمل الكبة

كيف حال الفراشات؟
حبيت اعطيكم وصفة الكبة و يارب تحبوها
الكبة
التتبيلة:
نصف كيلو لحمة مفرومة (ممكن ناعمة أو خشنة)
خمس روس بصل كبيرة
ملح وبهارات
وإذا حبيتي تحطي مع التتبيلة لوز مقلي (لطعم أزكى)
طريقة عمل التتبيلة:-
1. نقوم بفرم البصل على شكل مربعات صغيرة ونضعها على النار مع قليل من الماء ورشة ملح ، وننتظر حتى يذبل البصل.
2. نضيف اللحمة ونحركه قليلاً مع وضع البهارات والملح وممكن للطعم الأزكى تحطي مكعب ماجي.
وبنتركهم لحتى يستو منيح (لحتى تنشف المي)
العجينة:
نص كيلو برغل ناعم (يتم نقعه قبل بدء العملية بنصف ساعة أو حتى يتشرب الماء)
كيلو طحين
1 ونص كوب زيت زيتون أو زيت ذرة
رشة ملح وبهار
طريقة عمل العجينة:
بنجيب البرغل الناعم بعد النقع طبعاً بيكون البرغل متشرب المي فما بيكون في حاجة انك تشيلي المي عنه، بنضيف الطحين والزيت والبهارات والملح وبنعجنه متل العجين العادي لحد ما تصير العجينة متماسكة.
هلأ العجينة والتتبيلة جاهزة
ممكن انك تحشيهم على شكل كرات مدورة أو على شكل الكبة الي بنعرفها كلنا
المهم انك لازم تقليها في زيت حار جداً ولازم يكون زيت القلي بكمية كبيرة بحيث انه يغطي حبة الكبة لما تقليها
بتقدري تقدميها مع التبولة أو اللبن
وصحتين وهنا
ويا رب تعجبكم الوصفة