طريقة عمل الكشمش الحشوة الكشنة مثل ما تسمونها بالصور

السلام عليكم ورحمة الله وبركاته
مرحبا حبايب قلبي ‏ [
هذي طريقة
الكشمش مثل مايسميها البعض بالخليج
وبسم الله نبدأ اول بتحضير
الكشمش(الزبيب)
نأخذ فنجان قهوة مليان كشمش (زبيب)
وننقعه بكوب ماء
ونجيب حبة لومي اسود(ليمون اسود)
نفرغها من الحب عشان ما يعطينا مرارة
وننعمها بالطحانة
وناخذ منه بمقدار ملعقة صغيرة فقط
وهذي باقي المقادير
1_حبة بصل كبيرة مقطعة جوانح
2_حبة جزرة مبشورة ناعمة
3_3ملاعق كبيرة زيت زيتون
4_ملعقة صغيرة من مجموعة بهارات
دارسين+لومي اسود+ملح+لون أصفر+بهار مشكل
حسب الرغبة
ونبدأ بتحمير البصل بزيت زيتوون
ونظيف الجزر
ونعطيه وقت يتسبك
وهنا الكشمش بعد ماصفيناه من الماء
نظيفه للجزر والبصل
ونحركة على نار متوسطة لحد ما يجف الماء
ويبدأ يتغير لون الزبيب ويتحمر
ونكمل الباقي الملح البهارات واللون (صبغة)
وهذا شكلة بعد ماشلناه عن النار
والأن ناخذ ربع مقدار الأرز اللي بنقدمة
ونخلطة بالكشمش
وهنا الكشمش جاهز
هذي الصورة توضح لكم اللون أصفر ذهبي
مشهي بس التصوير مو معطية حقة
منقول لعيوونكم
تحياتي بنووتة