طريقه عمل صينية البطاطس بالكاري

بسم الله الرحمن الرحيم
طريقة سهلة ولذيذة :
المقادير ل 3 افراد : 2 بطاطس كبيرة - بصلة متوسطة - 2 طماطم -فلفل اخضر- ملعقة كبيرة كاري -ملح وفلفل -شوربة دجاج او لحم -قطع دجاج مسلوق او لحم مسلوق (على حسب نوع الشوربه)-ملعقة سمنه او زيت
طريقة العمل : 1- تقطع البصله شرائح و تدعك بالملح والفلفل والكاري نضيف عليهم البطاطس وتكون مقطعه شرائح ايضا (ولا تكون رقيقه جدا ولا سميكه جدا)
2-نضعهم في صينية الفرن (وتكون ملعقة السمنه او الزيت في الصينيه) ونقطع عليهم الطماطم والفلفل الاخضر(شرائح سميكة عشان متتهريش وممكن تضيفي ملعقة صلصة كمان حسب الرغبة) ونسقيها بالشوربة بحيث تكون اقل من المقدار بشويه يعنى متغطيهوش ثم تترك للسوي على نار هادئه
3- قبل ماتستوي بشويه ضعى قطع الفراخ او اللحم المسلوق بحيث يتشربو من الطعم , وبعد التاكد من السوي انقليها في شواية الفرن ليحمر وجه الفراخ او اللحمه ....
وتاكل مع رز ابيض مصري بالشعريه (واللى مش عارف طريقة الرز المصري يسالنى وانا تحت امره) وعلى فكرة في كذا طريقة لعمل الرز المصري يعنى مش شرط يكون بالشعريه
وبالهناء والعافية ياحبايب قلبي