عجينة الدونات

هئ هئ
دشيت وحدي مستانسه قلت الحين بشووف الدوونات جدامي
اموت فيها يم يم
ول عيونج Up
عسى البنات يساعدوونج ويحطوون لج العجينه يارب
بالتوفيج

حبيبتي انا شريت الاله ومااعرف الطريقه لقافه
بس اكيد فيه فراشه تعرف الطريقتين وتكتبهم
واناوانتي ندعي لها ولها اجر

السلام عليكم ورحمة الله وبركاته
المقادير
كوب حليب دافي
1/3 كوب ماء دافي
3 ملعق كبيرة زبدة مذوبة
3/4 كوب سكر
1 ملعقة كبيرة خميرة فورية
رشة ملح
بيضه
بعدين نضيف عليهم 2/1 4 كوب طحين بالتدريج، ونعجن لين تصير عجينة متماسكة
نغطي العجينة بورق نايلون ونخليها ترتاح بس 10 دقايق...
في هالوقت نجهز:
1- صينية فرن ونفرشها ورق زبدة أو ندهنها بالزبدة...
2- نجيب الحشوة المفضلة، وتكون حسب الذوق أنا استخدمت مربى فراولة وكاكاو نوتيللا...تقدرون تستخدمون مربى تفاح للتغير أو كاسترد أو أي حشوة تحبونها...
3- وطبعاً ما ننسى القطاعات، إذا استخدمتوا أكثر من حشوة يفضل تخلون كل حشوة شكل عشان يسهل الإختيار وقت الأكل...
يعني مثلاً، الدونت المحشي فراولة على شكل قلوب، والكاكاو على شكل دوائر وهكذا...
بس هنا أنا استخدمت قطاعة دائرية، وإذا ما عندكم عادي استخدموا فنجال القهوة... والحجم يرجع لكم...
4- نجيب كيس نايلون كبير ونحط فيه تقريباً كوب سكر بودرة عشان نغطي فيه الدونت...
نجهز المكان اللي بنشتغل عليه ونرشه بالطحين... نقسم العجينة نصفين...
نرق العجينة تقريباً بسمك نصف سم، ونقطعهاحسب الشكل اللي نبيه...
ندهن أطراف العجينة بالماي عشان لما نسكرها تلزق وما تنفتح وقت القلي...
نكبس الأطراف مع بعض ونسكرها زين، و إذا تلاحظون أنا برمت اطرافها عشان ما تسيح الحشوة وقت القلي...
نصف الدوائر المحشية في صينية الفرن اللي جهزناها... ونكمل بنفس الخطوات مع النص الثاني من العجينة...
نغطي الصينية بفوطة مطبخ ونتركها ترتاح لمدة 45 دقيقة...
قلبي القطع لين تتحمر وارفعيها على ورق مطبخ عشان يمتص الزيت...
و أول ما تخلصين قلي، جيبي كيس السكر اللي جهزناه وحطي فيه كل مرة 4 قطع دونت وسكريه زين وهزي الكيس لين يتغطى الدونت بالسكر وصفيه في صحن التقديم...
وطبعاً حلاته تاكلونه في نفس اليوم، هذا إذا بقى شي لليوم الثاني
هذي الطريقه ملطوشه
وهذي طريقه أخرى مني أنا
المقادير
3كأس دقيق
ملعقه ونصف خميره
12 ملعقه حليب بودره
2 ملعقه سكر خشن
5 بيضات
كأس حليب سأئل
ملعقه باكنج بودر +قليل من الفنيلا
الطريقه
يوضع ((السكر+الخميره +الحليب السائل)) في أناء لتختمر قليلا
2يخلط البيض بالخلاط
تعجن المقادير جميعا بعد ذالك
ثم بعد أن تخمر تفرد على دقيق وتقطع بالبياله مثلا ووسطها بغطا قلم أوقطاعة الدونات ثم تصف في طبق
مستطيل كبير وتغطى بالسفره وتترك ربع ساعه لتلرتاح ثم تقلى في الزيت وأذا تحمرت يذر عليه سكر مطحون
وأذا تبين الصوص
((أصبع زبده +1علبة حليب محلى (نستله) +1 أو2 ملعقه كاكاو هنتز))
[اذابة الزبده على النار ثم يصب الحليب عليها ويخلط
معا حتى يتجانس ثم تغمس الدونات على وجهها في الخليط وتصف بصحن التقديم
وبالعافيه
وهذي مقادير عجينه أخرى
3كأسات دقيق
رشة فنيلا
4 حبات جبن كيري
4 بيضات
6 ملاعق حليب بودره
ملعقه خميره
ملعقه بيكنج بودر
كأس ماء
الطريقه
تعجن تترك لتختمر ثم تكمل بنفسالطريقه السابقه
وأتمنى أكون أفدتكم
وأتمنى تتدعون لي يسخر لي زوجي ويرزقني باخوان لبنتي
عاجلا غير أجل يارب

امين

يسلمو
على الطريقه وعلى الموضوع

بموت في الدونات بس ولا مرة عملتها

بنات نصيحه أعملوها مره حلوه
أنا جربت العجينه الاخيره وحشيتها مربى طلعت مره حلوه
وأهم حاجه عجبت لولي حبيبت قلبي<<<بنتي الله يخليها لي

-----------