عشاآآنا امس كان لذيذ وخطير تفضلوا

1. بعدين نظفي السمك كويس من التتبيله وحطي عليه دقيق واقليه


2. خليه على جنب

صباح الخير يافراشات
كيفكم ان شاء الله طيبين
حبيت اوريكم عشانا انا وزوجي البارح
سويت برياني سمك الفيليه _ شوريه صينيه _ سلطه _ حلى _ عصير
هذا برياني السمك
طريقته كالتالي:تتبلين السمك في ثوم مفروم وكمون وملح وعصير ليمون وبهارات
اقل شي التتبيله 3 ساعات

بعدين نظفي السمك كويس من التتبيله وحطي عليه دقيق واقليه

خليه على جنب

روحي خذي قدر وحطي فيه بصل وثوم وحمريه في زيت بعدين اضيفي فلفل اخضر وطماطم وجرزه قطعيها حلقات او الشكل الي تحبين حركيها مع البصل بعدين اضيفي كوب طماطم مفروم وحطي ملح وكمون وفلفل اسود وليمون اسود وخليه يتسبك على مهله
سوي في قدر ثاني رز حطي زبده مع بهارات صحيحه هيل وقرنفل وورق الغار ثم الرز ثم المويه وملحي وخليه نص استواء
ارجعي للقدر الي فيه الخضار حطي عليه السمك وحركي بشويش عشان مايتقطع عليك بعدين كبي فوقه الرز ورشي صفار الزعفران واكتميه على نار منخفضه عشر دقايق او اقل على حسب
وعدها حضريه وبالعافيه
جربوه ماراح تندمون يجن
الشوربه الصينيه
طعمها جنان
طريقتها حطي في قدر نص كوب حليب بودره مع اربع ملاعق شوفان كويكر حطي عليها كاس مويه بارد لين تذوب بعدين اضيفي كاس مويه حار وخليه يغلي 5 دقايق
بعدين خذي 2 صدور دجاج وقطعيها صغار وحمريها في صاج مع زبده ثم حطيها على الي في القدر
واضيفي معها مكعب ونص ماجي
وخليها عشر دقايق
بعدها خذي نص علبة ذره وافرميها نص فرمه بعني لاتطولين في فرمها بس ثواني
وكبيها على الشوربه وخليها ربع ساعه بعدين اضيفي شوية فلفل ابيض وشوفي اذا احتاج ملح زيدي ولا يكفي الماجي
انا ماحطيت ملح وحطيها في الصينيه وزينيها بالكزبره المفرومه
يمي لذيذه
والسلطه كانت عباره عن طماطم وخيار وذره وكزبره وبقدونس مفرومه
بعدين على اخر الليل حلينا على هالحلى
لذيذ وسهل وماينشبع منه
طريقته: حمست ثلاثة ارباع كوب حليب بودره في الطاوه لين صار بني بعدين اضفت فنجال شاي زيت ونص كوب سكر وعلبة قشطه وحركتها كثير بعدين اضفت كوب سميد وحركتها اكثر واكثر طبعا بالمضرب
حطيتها بالصينيه وساويتها
بعدين خلطت بالخلاط 5 حبات كيري ونص علبة نستله بعدين حطيتها كطبقة ثانيه
ورشيت عالوجه قرفه مطحونه
ودخلته الفرن من تحت خمس دقايق بس لين يتماسك شوي
بعدين حطيته في الثلاجه وقدمته وكان احلى مما توقعته
وكل عام وانتوا بالف خيير وصحه وسلامه