عشانا الليله لاتفوتكم مسقعة الروبيان وبالصور من مطبخي

1. والصلصة البيضاء تتكون من (قشطه +شوية مايونيز +2م جبن سايل)


2. الطريقة :

السلام عليكم ورحمة الله وبركاته
مرحبا بأحلى فراشات ..
بقدم لكم اليوم صينية الروبيان بالخضار أو ممكن نسميها مسقعة الروبيان بصراحه من ابتكاري بس متأكده انها راح تعجبكم
بسم الله نبدأ
المقادير :
نص كيلو روبيان (الي عندي حجم كبير) تقومين بتتبيله بالاتي :
خل +عصير ليمون+شوية صويا صوص + ثوم بودره << لاتحطين ملح
وتحطينه بالثلاجه تقريبا ساعه قبل تحضيرك للطبق
نكمل المقادير ..
باذنجان مقطع شرايح ومقلي
مكعبات بطاطس وجزر مقليه
بصل مقطع بشكل طولي
ثوم قطع صغيره+بقدونس وكزبره مفرومه
عصير طماطم.. بالخلاط<< (1طماطم +شوية معجون طماطم +1فلفل حارحسب الرغبه+شوية مويه)
1ماجي+ ملح وفلفل و بهارات مشكله وزنجبيل مطحون وورقة غار وهيل مطحون

والصلصة البيضاء تتكون من (قشطه +شوية مايونيز +2م جبن سايل)

الطريقة :

نقوم بحمس البصل عالنار بعد وضع الزيت ثم الثوم الى ان يذبل البصل ثم نضع عليه عصير الطماطم يطبخ شوي ونضع ليه الروبيان وباقي البهارات والملح والبقدونس والكزبره والزنجبيل والهيل وورق الغار ثم نغطيه حتى ينضج الروبيان طبعا راح يكون فيه صوص مثل الصوره
بعدها نجهز صينية الفرن ونضع فيها رشة زيت زيتون ثم نصف الباذنجان وفوقه مكعبات البطاطس والجزر مثل الصوره
ثم نضع خلطة الروبيان فوق الخضار ونكون جهزنا الصلصة البيضاء وونصبها فوق الروبيان مثل الشكل :
أنا حطيت نص الصينية بس فيها صلصة بيضاء لأن مو الكل يحبها بعضهم يفضلونها مثل المسقعة حمرا << الي مايحبونها هم الي خلصوا الي بالصلصه البيضا علينا ههه
وبعدها ندخلها الفرن عشر دقايق من تحت على نار عالية ونشوية تتحمر من فوق
وهذا شكلها عند التقديم
وبالهنا والعافيه على قلويكم .. طبعا تقدمينها مع سلطه خضرا وخبز لانها مع رز تكون ثقيله شوي ..
انتظر تعليقاتكم وتجاربكم <<< لاتفشلوني اول مره احط طبق كامل بالصور
ولاتنسوني من دعواتكم