عشانا اليوم صيني بالصور

السلام عليكم ورحمة اله وبركاته
صبااح ..مساء ..الخير كل بوقته
هلا والله فيكم شخباركم شخبار اهلكم وعيالكم وحارتكم >>>تحمست
الحين بتشوفو مواضيعي تقول وشفيها هذي ماتعرف تتطبخ الا صيني بس انا والبيت من عشاق الصيني عشان كذا اطبخه دايما >>>اخلصي
المهم اليوم تعشينا دجاج ورز صيني لذيذ من صنع يدي والله يشهد علي >>>حلوه
المقادير
بصل ..صويا ..فلفل رومي ..جزر..ماجي..نشا.. ..دجاج مقطع مربعات صغار
او ل شي ببدا بطريقة الدجاج اوكيه
نحط زيت بالصينه شوي موكثير ونحمر الدجاج ثم نضيف عليه البصل ونشوحه مع بعضهم
نكون مجهزين على جنب ماء على النار مذوبين فيه ماجي
نضيف شوي مرقة ماجي على الدجاج ونخليها شوي لين تستوي الدجاج صح
نضيف الجزر والفلفل والصويا الثقيله والخفيفه ونقلبهم مع بعض
ثم ناخذ ثلاثة ارباع الكوب مرقة ماجي مضاف لها ملعقه سكر وملعقتين نشا وتذوب مع بعض هذا الي يخلي الصيني حقك روعه
ثم نضيفه على الدجاج ونقلبه بسرعه على الدجاج لانه يثقل وهذا شكله بعد اضافة الخليط
الحين نبدا بالرز هو المفروض اضيف عليه بيض لاكن الوالد ه الله يخليها عندها كلسترول وممنوعه من البيض عشان كذا الغيته
نبدا بسلق الرز
واثناء الاستواء نجهز في صينه بصل نشوحه مع جزر وفلفل رومي
نقلبهم مع بعض ونضيف الصويا الخفيفه ونضيف ملح اذا احتاج الرز وهذا شكلها بعد اضافة الصويا
الرز يكون استوى نضيف الخلطه عليه مع رش الصويا الخفيف فوق الرز
نقلبهم مع بعض ونخليه على النار شوي لين ياخذ الرز رائحة وطعم الصويا وهذا شكله لم خلطناه مع بعض
وهذا الشكل النهائي ان شاء الله يعجبكم
اتمنى منكم الدعاء باتحقيق كل ماتمنى قريبا