عندك ضيوف مستعجلين ثلاث حلويات لذيذة وسريعة من يداتي

الرحيق

14-11-2022 - 06:38 pm

السلام عليكم ورحمة الله وبركاته
كيف الحلوين
أن شاء الله تكونو بألف صحة وعافية
صرت هاليومين أستحلي القعدة بالمطبخ
كنا مرة أنا واخواتي بالبيت جات أختي قبل أذن المغرب وكنا صايمين
يمين يسار يمين يسار ولقيت حلى يفتح النفس وسويته
قلت اخلي حبيباتي يشاركوني بهالحلويات
طبعاً الحلويات مو من اختراعي عشان ما أحد يقول ذي سارقتها وتتفلسف علينا
( 1 )
كرواسان جونيور اللذيذ
مقاديرك
حليب نستلة
بسكويت مجروش أو كورن فليكس
هيرشي تشوكليت
كل اللي عليك ياحلوتي
تغمسي الكرواسان في حليب النستلة وبعدها بالبسكويت او الكورن فليكس
وترصصيها بالصحن
وتحطي الهيرشي
بجد بجد لذيذ أصلاً الكرواسان لوحدة لذيذ
زوم لزوم اللذه
عوافي ياحلوين ولي عودة بإذن الله

التعليقات (9)

الرحيق

14-11-2022 - 08:59 pm

( 2 )
مدري وش اسميه .. اخلي التسمية لكم
مقاديرك يا عسل
كيك أي نوع تحبيه يكون تشوكليت ( وتفتتيه )
وتحطي بالكأس شوي
تحطي أي صوص أبيض تحبيه
مثلاً علبة نستلة مع 6 حبات كيري
وتحطي عليه شوي
تجيبي بسكويت مجروش وتحطي طبقة
بعدهاتحطي شوي من الصوص الأبيض
وتزينيه ب جالاكسي فلوتات وممكن أي شيء ثاني تحبيه مكسرات أو هيرشي
وهذي النتيجة يا فراشاتي
وعوافي ياحلواتي - انتظروني

رجواي رضى مولاي

14-11-2022 - 10:00 pm

روعه تسلم الايادي ياقمر

الرحيق

14-11-2022 - 11:01 pm

( 3 )
كوب كيك رحوقة >>> مالقيت له أسم
كوب كيك لوزين محشي بالتشوكليت
تجهزي صوص كالتالي :
المقادير بفنجان شاي
زيت
حليب سائل
ممكن بيضه لو حبيتي
وللنكهة ملعقة نسكافيه
- تغمسي الكب كيك بالصوص السائل زين زين
وتشيليه وتحطيه بصينية
تجهزي صوص أبيض زي اللي قبل وتحطيه على الوجه بالملعقة
وتدخليه الفرن شويات لحد ما يصير الوجه ذهبي
للزينة
تحطي في الصينية سكر لحد ما يذوب على نار هادية
وبعدها تكوني مكسرة كاجو وتحطيه ع السكر وتحركيه معاه ع النار
وبسرعة تحطيها ع الوجه قبل تجمد - وتقدميها بالعافية
سريع .. سريع
يكون عندك حلى لذي ذ وسريع
بس عن جد الموضوع أخذ مني وقت أكثر من الوقت اللي أسوي فيه واحد من هالاصناف
عوافي يارب
أتمنى أكون خفيفة عليكم مثل هالحلويات
دمتم بود

الرحيق

15-11-2022 - 12:02 am

رجواي رضى مولاي
ياحياتي
مرورك روعة
مع انك قطعتي علي موضوعي
سلمتي ياغاليتي

مملكه الحنان

15-11-2022 - 01:03 am

روعه تسلم يدك يا سكره

دخيلك بس سامحني

15-11-2022 - 02:04 am

روعه
يعطيك العافية

الرحيق

15-11-2022 - 03:06 am

مملكة الحنان
دخيلك بس سامحني
حياكم مروركم الرائع اسعدني

شروق11

15-11-2022 - 04:07 am

تسلم يدك

sky rose

15-11-2022 - 05:08 am

وعليكم السلام ورحمة الله وبركاته
أهلين غناتي
انا بخير .. كيفك آنتي ؟
واو وربي جنان مااشاء الله
كلها اطباق تفتح النفس + سهله < اهم شي
شكله لذيذ
تسلم يدك يا غلاي
لآ خلآ ولآ عدم ..

حلاوة من ابتكاري عسل عسل لا يفوتكم←
هندية Help me→