فراخ كنتاكي بايديكي الحلوه

بصراحه يا فراشات الفراخ دي تحفه وسهله واحلي كمان من فراخ كنتاكي
المقادير:
كيلو صدور فراخ مخليه ولو تحبي وراك ممكن برده بس انا عملتها بالصدور
مفروم بصلتين كبار وفصوص ثوم
علبتين زبادي
دقيق
بيض
كورن فليكس وممكن برده فيجتار انا خلطت الاتنين مع بعض بس طبعا تدقي الكورن فليكس بقعر كبايه لغايه ما يبقي عامل زي البقسماط وممكن تستعملي بداله البقسماط بس الكورن فليكس احلي
الطريقه
تنقعي الفراخ في الزيادي والتوم والبصل وطبعا تملحيها وحطي شويه بهارات وفلفل اسود وسيبيها ليله في التلاجه
تاني يوم بقي تحمريها بس خلي بالك قبل التحير تحطيها ف الدقيق الاول وبعدين البيض ثم الكورن فليكس والفيجيتار
وبعدين تسخني الزيت كويس جدا وتراعي انه يغطي الفراخ تماما عشان تستوي كويس واول ما تحطي الفراخ توطي النار وبعد ربع ساعه هتلاقيها لونها دهبي تحفه
وبالهنا والف شفا