فروج بالصينية

حبايب قلبي ..اتاخرت عليكن بس بنوتي كانت شاغلتني
اليوم بدي قلكون اكلة جنان قد مطيبة بتمنى تعجبكن
(فروج بالصينية)
1_بتسلقي الفروج مع ورق الغار وبهارات
2_بتفرمي بطاطا بالشكل لانتي بتحبيه (دوائر أو أصابع ) أنا عملتها أصابع
3_بتفتفتي الفروج وبتخليه قطع صغيرة مثل اصابع البطاطا
4_ بتجيبي صينية بتحطي فيها البطاطا وبترتبي الفروج فوقها وبتحطي ماء حتى ينغمر ثلاث ارباع الصينية
5_بتحطي الصينية بالفرن (طبعا بتكوني مشغلتيه قبل خمس دقايق حتى يسخن)
6_بتجيبي صحن زغير (زبدية) بتحطي فيه زيت زيتون وبتعصري ليمون حامض (حسب الطلب) وبتخلطيهم سوا
7_قبل ما ينشف ماء الطبخة لبلفرن بشوي زغيرة بتضيفي زبدية الزيت وليمون الحامض وبتنتظري دقيقتين ثلاثة .....
وبعدها صحة وعوافي (تقدم مع زبادي لبن)[/ [