كاسات الصمون بالدجاج والجبن

• كاسات الصمون بالدجاج والجبن روعة روعة روعة

• °

السلام عليكم ورحمة الله وبركاته
هذه وصفة رائعة أخذتها للأمانة من الأخت المبدعة أم شوق جزاها الله كل خير مع تغيرات بسيطة جدا مني
لو تشوفون كيف عجبت أهلي وقضوا عليها ما شاء الله بسرعة
وطريقتها سهلة وشكلها يجنن
بالأول جيبي صمون وقطعيه لأربع قطعات وصفيه بالصينية ( خليه واقف )
وبعدين ابدي فرغي محتوى كل قطعة بس بدون ما توصلين للقاع
يعني تخلينها مثل الكاس المفرغ
وللتوضيح هذي صورة أم شوق
وبعدين احشيها بحشوة الدجاج الشهية :
وطريقتها كالتالي /
هاتي دجاجة ونظيفها واسلقيها في ماء وملح وشوية بهار وكم حبة هيل وعود قرفة وشوية كركم
حتى نتخلص من الزفرة
وبعدين صفيها من الماء ونتفي الدجاج إلى قطع صغيرة
وبعدين على النار احمسي شوية بصل ولما يحمر أضيفي عليه الدجاج
وتبيلها بالبهارات المفضلة عندك + نصف حبة ماجي وبعدين أضيفي عليه جزرة كبيرة مبشورة + نصف حبة فلفل رومي مقطع شرائح صغار
ألحين طفي النار وأضيفي على الحشوة
ملعقتين طعام مايونيز + ملعقتين طعام جبن كرافت السائل
واحشيها بداخل حبات الصمون
ثم رشي على الوجه وأغلقيه بجبن موزيريلا مبشور
وبعدين دخليها الفرن وشغلي عليها من فوق بس حتى يتحمر الجبن ويسيح
للامانه الموضوع منقول