كبسة من مطبخي بالصورة

1. أقول لكن المقأأديرمع الطريقة :

السلام عليكم ورحمة الله وبركآآآآآته
الحمد لله رب العالمين والصلاوة والسلام على أشرف المرسلين وعلى آله وصحبة الكرام وبعد :
من العايدين الفايزين
كيفكن فرآآشات حبوبآآآت
أمس سويت لأهلي عشاء ( الكبسة ) أدري ناقصها أشياء بس يالله سويتها على الطاير

أقول لكن المقأأديرمع الطريقة :

بعد ما نقعت الدجاجة بماء وتحللت طبختها بماء وملح علشان يروح منها العفن لمدة 10 دقايق من ثم شلتها من على النار
وقطعت بصل وثوم وحطيت قرفة وبطاطس ، ثم جبت القدر وحطيت فيه زيت وانتظرت شوية بس لين حمى الزيت شوي وحطيت علية البصل والثوم والبهارات والبطاطس وحبة ماجي وحده بس لين شقر البصل شوية بعدين حطيت الدجاجه المطبوخه مسبقاً بماء وملح وحطيت بهارات شوية وماء على القدر يعني حسب الكمية
في هذه الأثناء جبت الرز ونقعته بماء لمدة ربع ساعه أو أقل أو أكثر حسب يعني مانتي متعودة علية وثم تصفينه من الماء بس سمعت انه مو حلو تخلين الرز مرره ينقع علشان مايروح طعمه
بعدين الدجاجه في القدر تقريبا نص ساعه بس قدري مو قدر ضغط عادي ... ثم آخذت الدجاجة وقليتها بالزيت وحطيت الرز أول على نار عالية ثم وطيت النار وخليته 10 دقايق ....
وهذي الصورة
أي ملاحظات ولا شيء ياليت تتحفوني لأني مقبله على زواج ويهمني كثير الطبخ ...
بنات / أنا مو شاطرة مره بالطبخ يعني تمشية حال بس .....
عقبال يارب ماصير فنانه بالحلويات وكل شي
اللهم لك الحمد حتى ترضى ولك الحمد إذا رضيت ولك الحمد بعد الرضى
على ما أنعمت وتفضلت علينا بنعمك الظاهره والباطنه
اللهم صل وسلم وبارك على النبي الكريم وعلى آله وصحبة الغر الميامين