كعكة الشمينت جربوها ما بتندموا

1. نص قالب زبدة


2. كاسة كبيرة سكر ناعم

هاي الكيكة كتبتلكم إياها من يوم، بس ما بعرف ليش ما نزلت، وهيني رجعت كتبتها من جديد، فلازم على هالتعب حدا يعملها ويطمني كيف لقى طعمها.
السلام عليكم، عندي إلكم كيكة كتير زاكية، بس دسمة شوي، بس معلش مرة كل فترة ما بتعمل إشي، ما بعرف إذا حدا فيكم بعرفها أو لأ. راح أكبتلكم إياها:
أولاً: المقادير
العجينة:
2 ونص كاسة طحين
قالب زبدة
1 فنجان قهوة زيت مازولا
ملعقة كبيرة فانيلا
ملعقة كبيرة باكنج باودر
3 بيضات
رشة ملح
نص كاسة سكر ناعم
الكريما:
3 كاسات لبن شمينت

نص قالب زبدة

كاسة كبيرة سكر ناعم

بتعملي الكريما وبتضيعها بالثلاجة، وبتضعي محتويات العجينة وعلى طول راح تلاقوها تماسكت، وان شاء الله ما بلتزق معكم، وبتقسموها قسمين ثلثين وثلث، كل قسم بصينية، بتفردوا الثلثين بصينية ويفضل أن تلبسوا ظرف نايلون عشان ما تلزق العجينة بايدك، وبتفردي القسم الثاني بصينية تانية، وبتضعوهم بالفرن، أول شي احموا الفرن من تحت ولعند ما تشقر الكيكة وتحسوا إنها صارت مثل البسكوت بترفعوا الصواني عشان تحمروهم من فوق، بس تستوي صينية الثلثين اطلعوها وحطوها بالخارج عشان تبرد وصينية الثلث حاولوا تخلوه يحمر أكثر شوي عشان بدنا نطحنه مثل البسكوت. بس ديروا بالكم ينحرقوا. شوي بس يبردوا بتدهنوا الكريمة على القسم الكبير بنفس الصينية وبتفتفتوا القسم الثاني عليها. وإذا بتحبوا ترشوا فستق حلبي وقسموها وحطوها بالتلاجة على الأقل 5 ساعات، يعني إذا بتعملوها الصبح عشان زيارة آخر النهار، أو بتعملوها بالليل عشان زيارة الصبح. وان شاء الله بتعجبكم وبالهنا والشفا