كفتة الدجاج بالجبن طعم خيال بالصور

السلام عليكم ورحمة الله وبركاته
طبقنا لهاذا اليوم ياجماعة الخير
كفته بس مش أي كفته
لو تجربونها بتسونها كل يوم مثلي
ههه
يلا تعالو أرويكم شلون تنعمل
نحتاج دجاجه مسلوقه مفرومه بالسكين صغار - جزر مبشور - جبن كرافت السائل - مايونيز
نصف ملعقة فلفل أسود - بصل مبشور (أدري انها صعبه بس أحسن يكون مقطع صغار كلش)
وللتغطيه بيض وبقصماط
الطريقه
نخلط الدجاج مع الجزر ونحمس البصل لين يذبل ونضيفه على الخليط
وبعدين انييب الجبن والمايونيز
ونحط مقدار المايونيز وندبل الجبن
(يعني اذا حطينا قفشه مايونيز انحط قفشتين جبن)
لين انحس انه الخلطه شوي لينه لا تحطون وايد ترى بعدين ماتتكور
ونرش عليه الفلفل
ونحط الخليط في الثلاجه لين يتماسك الجبن
وانييب البيض والبقصماط
ونبتدي ناخذ مقدار من الخلطه ونكورها
أولا نحطها في البيض
وبعدين في البقصماط
ونحاول نكورها انا أسويها مثل الأقراص أحطها على الصينيه وابدى ارتبها من الأطراف
بأصابعي واضغط عليها شوي من فوق
وكلا وطريقته بس هاي الطريقه اريح لانه الخلطه لينه تكون
وهاي لما خلصت من التكوير
وارجع واحطها في الثلاجه لين الوقت اللي تبون تقدمونها فيه تطلعونه وتقدرون تجمدونها
مثل ما أسوي أطلعها وقت الزنقه ههه
واللحين بعد ما شدت شوي نبتدي نقليها
نحط الزيت بس ما يكون غزير وايد يعني أهم شي يغطي ثلاث أرباع الكفته
ونحميه انتبهوا لاتحطونها والزيت بارد بتشربه
وحبذا لو تحطونه على نار متوسطه مو عاليه
ونبتدي نقليها
وفي النهايه تكون بهالشكل
بصراحه هالطريقه حلوه وسهله ولذيذه
جربوا وادعولي
]