كيكه اللوز والتفاح طعم لذيذ وشكل انيق لاتفوتك

مساء الخير عالجميع
هالوصفه لقيتها بموقع اجنبي وترجمتها وسويتها اليوم
رائعه بمعنى الكلمه
شكل رهيب ويواجه لو عندك عزيمه او تودينها لجمعتكم
وطعم رهيب
انصح الكل يجربها ويدعي لي
بسم الله نبدا
هالكيكه تحتاج صينيه زجاج او تيفال حتى تقلب بسهوله معاكم
المقادير والطريقه
الطبقه الاولى
ثلاث ارباع كاس سكر بني+نص اصبع زبده الصغير مذاب على النار
تخلطيهم مع بعض بخلاط الكيك حتى تصير زي الكريمه متماسكه
افرديه على الصينيه
صفي عليه لوز مقشر ومحمص بلشكل الي يعجبك
الطبقه الثانيه
تفاح احمر مقشر ومقطع شرائح خفيفه
صفي اول طبقه فوق اللوز وانثري عليه شويه سكر بني
وبعدها صفي طبقه ثانيه تفاح
الطبقه الثالثه
خليط الكيك
المكونات الجافه اخلطيقهم مع بعض وخليهم على جنب الي هي:
ملعقه صغيره بكينج بودر
نص ملعقه صغيره بيكربونات الصودا
ملعقه صغيره فانيلا
رشه ملح
2كاس طحين انا استخدمت الكويتي
رشه قرفه
نص كاس سكر عادي ابيض
ربع كاس سكر بني
بخلاط الكيك 3بيض+ علبه زبادي الصغيره+اصبع زبده صغير لين بدرجه حراره الغرفه+كاس ماء
ثم يضاف المواد السائله والجافه ويقلب بلمعقه خشب حتى يتجانس يصب بلصينيه
تكوني مسخنه الفرن من اول بدرجه حراره 330 فهرنهيت وخليه مابين 40 الى50 دقيقه
طلعيها تبرد مده 10 دقايق بس واقلبيها وهي دافيه قبل لايجمد الكراميل الي فيها
شوفو من جوا كيف هشه
وصحتين وهنا