لقيت هالموضوع وعجبني قلت تقرونه معي

1. ولا يبدين زينتهن .. الكحل ملا العين والعطر من مسافة كيلو

السلام عليكم ورحمة الله وبركاته
كان في أقوام من قبلنا يسألون الله حتى الملح ..
كان الواحد منهم اذا رفع يده للسماء بحاجه ماينزلها الا وحاجته وصلها ربي الى جنبه
واحنا ندعي باليوم اكثر من مره وتمر سنوات ننتظر .. وننتظر ..
فكرتوا وين الخلل
بقولكم قصة وحده قسم بالله اعرفها مثل ماعرف نفسي .. كانت يتيمه ووضعها صعب .. ومره حست بضغط من وضعها
المؤسف .. وضعها يروع مره .. والله يابنات رقت للسطح ورفعت يديها للسماء تسأل الله زوج صالح يطلعها من اللي هي فيه ويعوضها خير
ورب الكون يابنات هي ايام بس ايام مدري اذا وصلت 30 يوم ولا اكثر شوي للامانه ماتذكر ولا هي
المهم ماتمت فترة قليله الا وجاها خاطب وبعد ايام برضو تزوجت ,, تم كل شي بسرعه الظاهر بين خطبتها وزواجها شهر
ومب بس كذا ..
والله يابنات تزوجت احسن رجال .. اخلاق جدا .. ماقد عايرها بظروفها اللي ماتنقال .. مدلعها اخر دلع .. معيشها ملكه , كل اللي تبيه مجاب لها ومرتاحه معه حبيب يحبها يموت فيها
يعاونها بكل شي حتى حفايظ اولادها يساعدها بتغييرهم واشياء كثيره بس مابي اطول اكثر
هذي البنت اللي اقولكم تقول سمعت شريط ( ياسامعا لكل شكوى ) للشيخ ابراهيم الدويش .. وشحن فيها الامل بالله ودعت وفعلا ..... جتها الاجابه سريعه .. ماشاء الله
يقول لك ربي سوي هذا تسوين ذاك ..
ولاتبرجن .. تتبرجين ..
اغضضن من ابصارهن .. تقزين الرجال يمين ويسار
قلن قولا معروفا.. تسولفين سواليف مع البايع الاجنبي والصوت غنج في غنج
اقيمي الصلاه .. تصلين اي كلام البال مشغول والركوع والسجود على سريع وحتى السجاده مهي نظيفه

ولا يبدين زينتهن .. الكحل ملا العين والعطر من مسافة كيلو

وصاحبة اجمل عباه تمشي وتتمايل مافكرت ربي اللي خلقها وخلق كل خليه بجسمها وتمشي بأرضه وتاكل من خيره
ويرزقها ليل ونهار حتى الدم اللي بقلبها هو سبحانه اللي يضخه ومع كذا مافكرت هو راضي عن شكلها ولا لا .. اهم شي الشباب اللي يطالعوها راضين عن شكلها ويمدحونها .. ماتدري ان هالشباب تاخذ اثم كل نظره من نظراتهم لها بالدنيا ويوم القيامه يجون يجرونها لربي يقولون ربي هي اللي اضللتنا ربي ضاعف لها العذاب
ماني متكلمه عن القنوات الفضائيه واللي فيها والبلوتوثات والجوالات والدردشات ,, كل وحده فينا تدري هي وش عندها وايش منع الاجابه
عنها ..
بقولكم شي مهم .. ترى ماعند الله لاينال بمعصية الله
وتبون دليل على كلامي ؟؟؟
يقول الله عز وجل ( وَمَنْ يَتَّقِ اللَّهَ يَجْعَلْ لَهُ مَخْرَجًا وَيَرْزُقْهُ مِنْ حَيْثُ لا يَحْتَسِبُ وَمَنْ يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ
وخوذوا هذي بعد ( وَمَنْ يَتَّقِ اللَّهَ يَجْعَلْ لَهُ مِنْ أَمْرِهِ يُسْرًا
يعني تبين الاجابه لدعواتك عليك بالتقوى .. قسما بالله العلي العظيم .. ان الراحه والطمانينه والسكينه والرضا والقناعه والهدوء والفرحه
وكل شي حلو بها الحياه ماتلقينه الا بطاعة الله والعمل الصالح اللي يدخل بقلبك خشوع ولذه ايمانيه وحلاوه روحانيه وسكينه لو حسيتي فيها ماتستبدلينها بكل قمايم الدنيا .. وهذا قسم مني انا بعد تجربة المتع الدنيويه كلها اي شي يطري ببالك تقريبا جربته الا قليل جدا
والله بس ضيق وضنك وهم وغم وطفش ماينتهي ..
والله يوفقكم
منقول