للي يروحون الممشى شنو طقوسكم شاركونا

بنات ادري ان الجوبرد وموت
بس ما شاءالله هم في ناس يروحون الممشى ما همتهم التقلبات الجويه
يحافظون على رشاقتهم الله يبارك لهم ويهدينا ونصير مثلهم يا رب
المهم
انا فكرت انزل هالموضوع علشان نستفيد من خبرات بعضنا وان شاءالله ما يكون الموضوع مكرر
نبي نعرف اذا كنتي من ممارسين رياضة المشي
شنو طقوسك اثناء المشي؟
بمعنى
شنو الكريمات الي تحطينها على جسمك قبل لا تمشين؟ هل هي كريمات تخسيس؟
شنو تلبسين للممشى؟ وهل تلبسين الشورت الحراري او لبس السونا؟
هل تستغلين وقت الممشى بانك تحطين خلطات بشعرك ؟ بس عاد مو اشياء ريحتها قويه علشان الي حوالينك ما يموتون
واشلون تشغلين وقتك ؟ بالاستغفارام بالهذره؟
واخر سؤال؟ ايهم احسن ممشى بنظرك ؟ اي منطقه؟ ولا تحبين تمشين بالحوش؟او بالسطح؟او بالمجمعات؟
اتمنى اشوف اجاباتكم وتفاعلكم
وان شاءالله الكل يستفيد