متضايقه

1. اذا حكى معي كذا اتضايق واسكت مااعرف وش اقول

السلام عليكم
دايم ادخل هنا صحيح مالي مشاركات بس احب ادخل واقرا
ماتوقعت اني في يوم بدخل اقول مشكله لي او اكتب شي
بس انا بصراحه مليت تعبت من كثر التفكير انا بطبعي هاديه ومااحب اتكلم..انا اكبر اخواتي ماعندي احد اشكي له
اكتم بقلبي وانفجر صياح على مخدتي ولا احد يدري عني
ودي افضفض واتكلم مليت وانا اسكت
انا متزوجه من 4 سنين تقريبا..عندي بنت وحامل الحين بشهوري الاخيره..
زوجي طيب معي حنوون الحمد الله مااذكر يوم صار بينا شي كبير مشكله او هوشه..
يعني اللي يصير عادي هوشات او زعل بسيط مانطول عن بعض زعلانين..بنفس اليوم نتراضى او يجي بكرا عادي ماكان شي صاير
مافيه يوم قلت لا..في كل شي..مدلعته ملبيه طلباته..بس مرات احسه يشوفني ماعرف شي احسه يشوفني صغيره مااعرف شي..مثلا مرات يقول البيت يبي له اهتمام لمسات انثويه ماادري وش اللي يبيه..والله بيتي مرتب نظيف كل مره اعدل فيه اسوي شي ..بصراحه يضيق صدري..مرات يقول انتي ماترتبين وقتك البيت يبي له ترتيب
انا عندي بنتي لسا صغيره .. دايم تطلع العابها وتلعب عندنا بالصاله..احس هالشي عاادي

اذا حكى معي كذا اتضايق واسكت مااعرف وش اقول

مره قالي سكري البرامج اللي في جوالي ورحت اسكرها وفي برنامج اسمه الهوز هير حق دردشه
شفته فاتحه سكرته اخذت جواله مره وفتحت على البرنامج شفت له محادثات مع بنات..هو يحاكيهم بس مايردون عليه..مثلا يقول مرحبا او مساء الورد بس مايردون عليه..ضاق صدري تمنيت منه يوم يقولها لي من نفسه اذا صرت بعيده عنه...مرات اشوف صور عنده ..يرسلونها له ربعه على الواتس اب
صور تضيق الصدر بنات وخرابيط
ماحاكيته ولا قلت له شي..هالموضوع مضايقني ..
وش اسوي برايكم اتكلم معه او اخليه..اخاف بعد ولادتي اذا بعدت عنه يكلم غيري ..انا واثقه فيه والله ولا عمري شكيت فيه
يمكن كلامي مخربط..بس احس اني متضايقه...