مثلثاات التست بالدجاج

السلام وعليكم ورحمة الله وبركاته
كيفكم ياحلووين ان شاء الله تكونوو بألف خير ..
اليوم حبيت انزل لكم طريقة مثلثات التست بالدجاج بالتفصيل الممل
انا بكتبلكم المقادير نفس اللي انا سويتها وكل وحده وعلى حسب رغبتها كم تبغى الكميه اقل ولا اكثر..
المقادير:
2 خبز توست
الحشوة (1) :
2 صدور كبيره دجاج مسلوقه في ماء وملح وكمون (بعد ماينجح الدجاج نفتته)وهذي صورته بعد التفتيت
حلوه بعد التفتيت خ
1 بصل مفروم + رشة بهارات ..
2 فص ثوم مهروس..
2 ملعقة قشطه ..
1 ملعقة جبنه سايله ..
1 ملعقه مايونيز..
الحشوة (2) :
نوعين من الفلفل الرومي انا استخدمت الاورنج والاحمر كل وحده نصها وتقطعها صغارمرره ..
2 طماطم ينزع لبه ويقطع صغار برضه ..
جبن شرايح او تشيدر انا استخدمت تشيدر..
للتزيين :
زيتون اخضر محشي + شرايح خيار أو مخلل خيار مدور أو شرايح جزر..
أعواد أسنان ..
الطريقة :
نسوي الحشوة (1) : يحمس البصل والثوم في قليل من الزيت حتى يشقر ثم تضاف له البهارات ثم الدجاج
المفتت ثم يحرك قليلا ليتشبع بالنكهه ..
تقطع حواف التوست ..
نحط بكل شريحة تست ملعقتين من الحشوة (1) وبعدها نحط فوقها شريحة تست واحط الجبنه سواء كانت
مبشوره ولا شرايح واحط فوقها الفلفل الرومي والطماطم وبعدين اقفلها بتست ثالث وهي الصور توضح ..
تصف الساندوتشات في صينيه وتقطع الى اربع مثلثات وندخلها الفرن عشان تتحمر شوي ..
ويوضع فوق كل مثلث عود اسنان ويوضع به شريحة خيار او مخلل او جزر وفوقها الزيتون المحشي
انا ماكان عندي الا الزيتون المحشي بس ..
اتمنى انها تنال اعجابكم ..ترااها لذيذه ..
واشوف ردودكم الحلوه لأني تعبت ..
الاسم اللي عالصور اسمي بمنتدى ثاني..
خالص تحياتي للجميع ..