مجبوس هامور عجيب على طريقتي

طريقة التحضير
1- سمك هامور يملح ويغسل ويترك بالمصفاه علشان ينشف من الماء وبعدين تجهزين عصير ليمون مع كركم وتحطينهم على السمك > كل السمج وحده وحده تحطين عليها كركم وليمون
2- تحضرين الحشو<< بالكويتي يسمى حشو
عبارة عن بصل مقطع مربعات + بقدونس وشبنت + كركم + دراسين يحمس مع الزيت الى أن يذبل البصل بعدين تحطين الخضرة (أخر شي تحطين البقدونس والشبنت علشان مايصير مر ) وتركينه
3- تغلي ماء في سخان الماء ,, ولاتنسين نقع العيش وغسله تقريبا لازم ينقع أكثر من ساعه العيش
4- تحمسن في قاع الجدر بصل وبقدونس وشوية شبنت وبهارات وقطعه واحدة من السمك علشان يطلع طعم السمك وبعدين تحطين الماي المغلي وبعدين العيش وتنتظرين شوي قبل ماينشف ماي العيش تحطين السمك مع العيش علشان يطرى السمك من القلي وبعدين خليه على نار هاديه ولاتنسي وضع حمسة الحشو على العيش
طريقة التقديم:
اولا نضع العيش في طبق كبير ومن ثم يزين بالحشو ونزينة
بقطع خيار او ليمون وطماط
ملاحظة :-
ممكن تقلين سمك الهامور وحدة بالجدر والباقي بمقلاة ثانية ومن ثم تصفينها واذا حطيتي العيش **بالجدر الي فية سمكة وحدة** تحطين باقي السمك معاه
ملاحظة:-ممكن تستبدلين نوع السمك بأي نوع اخر مثل الزبيدي.
منقول بتصرف