مشكلة شعري ودوام الجامعه

دلع النوري

22-04-2022 - 07:26 pm

مرحبا اخواتي الفراشات ..
كيفكم ان شاء الله بخير وزود نعمه ..
بنات من فيكم مثلي تعاني من هالمشكله ..
انا شعري نوعيته ناعم وكثافته وسط ودهني ..
اذا جيت اداوم للجامعه وعلى حسب ترتيب جدولي الاغلب
يكون عندي محاضرات يوميا ولازم كل يوم اتروش عشان يكون
شعري مظهره حلو وفيه حيويه انا اتروش وعلى طول امسكه
بدون استشور لان شعري مايحتاج .. ماشاء الله ..
بس اذا حطيت الشيله ( الغطى ) يهمد شويات بس اذا وصلت
للجامعه يطلع حلو ماعليه ..
مو هنا المشكله يعني اللي قاهرني لازم يوميا اقوم قبل دوامي
عشان اتروش ومو بس كذا يعني مايجمل معي الى ثاني يوم
واحيانا يكون عندي محاضره وحده بس حرام تقطع شعري كل
يوم هالشامبوا لاعب فيه ومدري وش الحل ..
وماشاء الله في بنات والله بشوف عيني تجي ثاني يوم وشعرها
مو مغسول ولا شي ومازال على نفس الحيويه ..
صراحه ابي حل مدري وش اسوي عشان مااغسل شعري يوميا
لاحد يقولي جربي يوم تروحين بدون مايكون مغسول لانه ماينفع
معي اصلن يبدى يدهن معي ومو بس كذا يكون هامد مافيه اي
حيويه ..
والشي الثاني ابي تسريحات للجامعه للشعر المرفوع بمعنى انه
يكون ممسوك ابي افكار يعني واذا فيه صور ياليت والله اكون شاكره
لكم ..
لاتنسون الموضوع الحين فيه طلبين اللي هم :
1/ وش الحل مع شعري ؟
2/ تسريحات ناعمه وبسيطه للشعر المرفوع ؟
ملاحظه : طول شعري الى حد اكتافي تقريبا ..
وجزاكم الله الف خير دعواتكم لي ولكم بالمثل ان شاء الله ..

التعليقات (7)

*cute smile*

22-04-2022 - 09:43 pm

اولا لا تحطيله كريمات ولا زيوت
واستحمي بشامبو للشعر الدهنيجربي دوف مرره ينشف الشعر او هيربال بس للشعر الدهني
حطيله ليمون مره ينشف

أميرة القلوب

22-04-2022 - 10:44 pm

ماقد جربتي تشطفينه بخل
او تحنينه اختي عندها نفس مشكلة الشعر الدهني اخذت فترة تحنيه والحين تقعد يومين ما غسلت شعرها
بس ترى طولت وهي تحني شعرها اسبوعي
اتمنى اني افدتك والله يوفقك

دلع النوري

22-04-2022 - 11:45 pm

*cute smile*
هلا فيك ياقلبي انا مااحط خلقه .. اجل لو حطيت وش بيصير ..
وانا الشامبوا اللي استخدمه دوف ومره مرتاحه معه بس ..
نفس الشي يعني اساسا دوف من بعد ماحطوا فيه سيروم..
ماقام يجيب معي نتيجه مثل اللي معه ربع حليب مرطب شي خيالي ..
حتى اني الحين ادوره بس مافي انقطع قلت بستبدله بجونسون حق
الاطفال..
يقولون زين من عندها فكره تقولي لاني ناوه استخدمه ؟

دلع النوري

23-04-2022 - 12:46 am

أميرة القلوب
لا والله ماقد جربت ياقلبي الخل ..
والحنه صار لي فتره من اول احنيه مع شوية سدر بس ..
احس شعرتي بدت تصير خشنه فبعدت عنه صراحه ..
خفت اني استمر ويعدم لي شعري مع العلم انه ماكان
حنه لوحدوا كان مخلوط مع شوية زيوت يعني المفروض
معطية شوية طراوه ..بس مدري ..

الغـ صدى ـربة

23-04-2022 - 02:48 am

بجاوب على طلبك الاول
اذا خايفه على شعرك من الشامبو فتعودي خل عندك علبه شامبو فاضيه وحطي فيها شوي من الشامبو الكميه الي تستخدميها
وعبي الباقي مويه وبعدين غسلي فيها شعرك كذا يكون مخفف على فروه الراس ومايضره
شي ثاني
ممكن بدل ماتتروشين حطي لك ببخاخ ماي عبيه مويه واعصري فيه عصير ليمونه وبخي منه الصباح
الليمون يجفف بمعنى يجفف الشعر وكل ماكثرتي منه بيزيد الجفاف لك فالصباح بس بخي شعرك فيه قبل ماتروحي
بيشيل لك الدهون
وبيني وبينك مامفروض تشيلي هم هالمشكله انا وحده شعري عادي مايل لكونه جاف ومع ذلك لازم اغسله كل يوم
ويزيد لي مشاكله هذا بس ترا مايحس الواحد بنظافه وانه متروش الا اذا غسل شعره

دلع النوري

23-04-2022 - 03:49 am

الغ صدى ربة
مشكوره ياقلبي على الرد ..
بس انا ماقصدت اني مااتروش بالعكس انا في حياتي اليوميه يوميا اتروش
فما بالك بالدوام بس انا اقصد مو كل يوم اغسل شعري الشامبوا كثرته
مو زينه وتقطع الشعر على الاقل يوم ايه ويوم لا بس بقولك يعني كيف
اسوي طريقتك وش بحس فيه يعني تقصدين راح يجففه بنفس الوقت
واخاف تطلع ريحة الليمون علي .. تصدقين انا بأيام الشتاء في عز
البرد ووقت الصباح اقوم واتروش عشان هالمشكله وربي اني اقعد
ارقص سامري بالحمام من قوة البرد ماتسوى علي هالجامعه ..

دلع النوري

23-04-2022 - 05:51 am

بنات وينكم لاتزعلوني منكم ..
معقوله بس 3 ردود وخلاص..
تكفون تفاعلوا معي ابي حل ..
للرفع

نصيحة 00 الي شعرها متعبها 00 تدخل←
شعرك قليل ودك تكثفينه أقلطي→