معكرونة السبانخ بالمشروم واو تهبل والله

1. المقادير ::


2. الطريقه :

ياجماعه هذي طريقه سهله وشهيه وانا متأكده انها راح تعجبكم وماراح تاخذ اكثر من ساعه الا ربع لتحضيرها :

المقادير ::

• كيس مكرونه ( الباستا ) حجم صغير يعني مايكون كبير وايد واذا كان كبير ممكن ما تحطينه كله عشان ما يطلع وايد عالخلطه اللي راح نسويها
• كيس سبانخ مفروم
• بصله متوسطه مقطعه قطع صغيره
• علبة مشرووم مقطع
• باكيت صدور دجاج منزوع الجلد والعظم يقطع قطع صغيره
• 3 علب قشطه
• جبن مبشور ( مازرولا )
• ملح حسب الرغبه
• فلفل اسود حسب الرغبه
• زبده
• مكعب ماجي

الطريقه :

اولا تقومين بسلق المكرونه وفي اثناء السلق تقومين بعمل الخلطه التاليه :
يحمر البصل في الزبده ويضاف اليه مكعب الماجي ثم يوضع فوقه الدجاج ويقلب قليلا حتى ينضج تقريبا ثم يضاف المشروم ويقلب في الزبده ويضاف الملح والفلفل الاسود ويترك قليلا على النار ثم يضاف اليه السبانخ ثم القشطه ويقلب ويترك على نار هادئه .. ثم تقومين بتصفية المكرونه وتضاف اليها خلطة السبانخ والدجاج وتقلب ثم توضع في قالب بايركس وترش فوقها الجبنه وتدخل الفرن لتحمير الوجه ......... وبس

• * ملاحظه الطريقه هذي تمتاز بانها تكون مخلوطه بالقشطه يعني كانها مخلوطه مع صوص ولو كانت كميه المكرونه كبيره وشفتي ان القشطه قليله ممكن تضيفين علبه رابعه على المكرونه ..

ذوقو وادعولي واللي بتجربها صدقوني ماراح تندم وعلموني بالنتيجه ورايكم فيها