مقلوبة الدجاج

السلام عليكم ورحمة الله وبركاته
كيفكم يااحلوين
اليوم سويت الغداء بحكم انو مافي جامعه قلت اسوي الغداء بدل امي المهم نمت وانا في بالي اسوي مضغوط سريع ولذيذ بنفس الوقت وصحيت من النوم ودخلت المطبخ وعلى طول جهزت مقادير المقلوبه
طبعا طريقة هالمقلوبه اخذته من احد المنتديات والله يعطيك العافيه ويجزاه بالخير (( طباخة بيتنا )) كانت المقلوبه لذيذه ومظبوطه مع تغيير بسيط من عندي
ومانكثر الهرج ونبدأ بسم الله
اول شيء جيبي الدجاجه ونظفيها وانا هنا ما اتبعت نفس الطريقه سويت خلطتي المعتمده عندي
مقدار مناسب من الكاتشب + ملعقة زيت + شوي ملح + بهارات + كمون
وندهن فيها الدجاج وندخلها الفرن ونولع عليها من اعلى على نار متوسطه عشان ماتنحرق وهي باقي مانضجت وخليه ساعه تقريبا وبإمكانك تقلبينها اذا حبيتي او تخلينها على جهه وحده ماتفرق
حاولي الكاتشب يكون اكثر من اللي في الصوره لان الكاتشب خلص علي
نسوي كشنه على جنب
عباره عن بصله مقطعه جوانح + طماطم مقطعه ارباع + فلفل رومي + ماجي حسب الرغبه + بهارات + نعناع لو تحبي
بعد ماتذبل كل هالمقادير حطيها بالخلاط وتصير هيك
في قدر ثاني اسلقي فيه الرز كل وحده حسب طريقتها وحاولي ماتسلقينه سلق كامل و نسيت اصوره بس مايحتاج
في هالاثناء جيبي بطاطس وباذنجان وفلفل رومي لوتحبي واقليهم <<كمان نسيت اصورها من العجله
الحين نجيب القدر اللي سوينا في الكشنه ونحط مقدار من الكشنه ومقدار من الخضار المقليه
نجيب الرز ونضع نصف منه على الخضار
ونكرر الخطوه السابقه من الخضار
ونضع الطبقه الاخيره رز ونخليه على نار واطيه لمدة خمس دقائق او لين تنشف الكشنه وتتجانس النكهه
وبعدها قدميه وبألف عافيه على قلوبكم