ممكن الخبيرات يساعدوني بسرعه

يعني ولا وحده ردت علي الله يسامحكم بس

ماعندي فكره والله بس دوري بقسم الاطباق المثبته اكيد بتلاقي طلبك

هذى طريقه جريش
الطريقه :2 بصل + 2 فص ثوم ,قطعة لحمه ويفضل ان تكون من الرقبه لانها جدا لذيذه خصوصا للجريش , ا كوب ونص من الجريش , نص كوب من الرز المصرى ,1 لتر لبن ,8 كاس ماء دافىء ,شوى ملح . بهارات . كمون .
الطريقه :يحمس البصل والثوم الى ان يميل لونه الى الاصفرار ثم نضع اللحمه وتسلق لمدة نص ساعه ثم نضع الرز والجريش ( فيه ناس تفضل سلق الجريش ثم تضعه على اللحمه مافيه مشكله وهو عموما ياخذ وقت على النار مافيه داعى نسلق كل واحد على حده المهم نضع الجريش والرز والبقيه مع بعض ويسلق نص ساعه اخرى على النار وشرط ان تكون النار هادئه جدا ثم بعد ذلك نفتح الفرن وهو حار ونضع قدر الجريش ليستمر فى الفرن مدة ساعتين على نار هادئه وانا اخترت الفرن لانه يعطيه تسبيكه حلوه ( وهذا من تجربه شخصيه ) كل ما مضى من الوقت لاحظى اذا كان يختاج الى زيادة ماء اضيفى قليلا بعد ساعتين اخرجيه من الفرن واضربيه بملعقة الخشب لكى يتجانس الجريش مع اللحم . بعد ذلك احمسى بصله او اكثر على حسب حاجتك مع زبده على النار وقليل من البهار الاصفر ثم ضعيه فوق الجريش .
وبالهناء والعافيه

مرحبا عزيزتي
هذي طريقة جريش اتمنى ينال على اعجابك
المقادير:
بصله صغيره مفرومه مع 4 فصوص ثوم
كوب جريش مغسول فقط
كوب رز مصري مغسول فقط
علبة حليب 200 مل
علبة لبن 200 مل
مكعب ماجي
وكميه ماء الضعف تقريبا
الطريقه.:
حطي كل هالمقادير مع بعض في القدر وولعي النار وعلى نار متوسطه مع التحريك المستمر لمدة ساعتين وممكن تحتاجين تضيفين مويه
المسمنه:
بصله كبيره مفرومه مع فصين ثوم وجزره صغيره كلهم مفرومين بفرامة البصل
وحطيهم عالنار وحمسيهم بزيت لا باس به الين يذبلون ويصير لونهم بني واضيفي ربع ملعقه هيل وملعقة لومي ونص ماجي
وبالاخر ملعقة صلصه و10 دقايق وطفي عنها وبس.
اي اسنفسار انا جاهزه وبالعافيه عليكم

مايسه
ضي العين
مشكورين ياالغلا والله يجزاكم خيرويتقبل صيامكم وقيامكم........

شوفي حبيبتي اهم شي في الجريش الحب مايكون لونه اصفر على بني لانو لو طبختيه 6 ساعات مايذوب واحسن شي انك اذا
شريتي جريش من عند الطحان تقوليله ابي جريش تركي ويكون لونه اصفر خفيف على بياض ،وانا اسوي نفس طريقة ضي
العين ويضبط معي ،،حبيت افيدك وبالعافيه

مشكوره ياالغلا على هالمعلومه