من مطبخي بالخطوات المصورة

أنثے عاشقـﮧْ

05-11-2022 - 01:41 pm

السلام عليكم ورحمة الله وبركاته
كيفكم حبيبات قلبي
من زمان مرا عن دا القسسم
جبتلكم دجاج صيني جنان على مسؤوليتي
طبعا جربت كم مرا الين ما وصلت لنتيجة مرضية جدا الحمدلله
جربووه وأكيد رح يعجبكم
تحتاجي لهالطبخه
أترككم مع الطريقة
دجاج صدور مقطع مكعبات
ينقع 10 دقايق في
بيضه
ملعقتين دقيق
ثوم بودره
ملح
فلفل أسود
أنا ماعندي فلفل أسود اليوم حطيت فلفل أبيض ^_^
بعدين تقليها في زيت لحد ماتستوي وتتحمر
نحط الدجاج ع جنب
ونحط ع النار في قدر بصل شرايح مع زيت
ونقلب حتى يذبل البصل
بعدين نحط عليه ماجي وثوم ونحررك
بعدين نضيف جزر وكوسا < اليوم ماعندي كوسسا بس حطيت جزر
ونحرك لحد ماتنضج الكوسا
بعدين نضيف الدجاج مع فلفل رومي مع شويا ملح وشويا زنجبيل مطحون
ونحررك ع نار هاديه
لما يستووا كويس
اخلطي في كاسة مويا ثلاثة ارباع الكاسه مويا وملعقه صويا صوص وملعقة نشا
اخلطيها كويس بعدين حطيها عالدجاج
وفي الأخير أضيفي كرنب مقطع <زوجي ما يحبه فاستبعدته ولا هوا مرا حلو
هنا لما استوى خلاص
قدمته مع رز أبيض
حطيت الدجاج الصيني في صينيه وحطيت الرز فوقه وكبستهم بالملقعه < ماصورت نسيت
بعدين قلبتهم
وبالهناء والعافيه
اللي يعجبها تدعيلي
وماأحلل من تنقلها وتنسبها لنفسهاا أبدن أبدن

التعليقات (8)