من مطبخي مشخول بطاطس ودغوس كويتي من عمل دياتي

السلام عليكم ورحمة الله وبركاتة
مسائكم وصباحكم خير ومحبه يارب
شحالكن ان شاء الله بخير
جايتكن اليوم ومعي طبق عملته أمس للغداء
(مشخول بطاطس -ودغوس كويتي) يمي يمي هوع
أهم شي التصوير من فترة ابوي شرى لي كميرا جنان واشتغلت فيها
ماخليت شي ماصورته خ
يلا نبدأ
بسم الله الرحمن الرحيم
أول شي نجهز المقادير
فلفل أخظر (الكميه أختياري)
بطاطس (الكميه إختياري)
بصل
طماط (للدغوس )
حبتين ماجي
والبهارات من جميع الأنواع (بهارات مشكله-زعفران-هيل-دارسين-فلفل أسود-فلفل أبيض-)
ثانيا
نقلي البطاطس
1- نحط حبه وحده بالزيت لين نشوفه يحمي
2- بعدها نقلي البطاطس كله
3- هنا يكون خلص
ثالثا
نجي للبصل
1- نحطه بطابج مثل منتوا شايفين ونحط شوية زيت ونبدأ نقلي لين تشوفيه يحمر
لي شفتي البصل حمر
2- حطي البطاطس والفلفل الأخظر وقلبي شوي
رابعا
1- حطي البهارات وماجيه وحدة أو اقسميها بالنص عشان ماتطلع الطبخة مالحه
وإبدأي قلبي الخليط مع بعضه مثل منتوا شايفين ماشي
خامسا
نجي للرز شوفي كم ماجله تناسبك وغسليه زين مازين لين تشوفين وجهك فيه خ
بعدين حطيه على نار عاليه ورشي عليه شويه ملح وخليه لين تشوفيه غلى
خليه يطبخ شوي
2- عشان تعرفين اذا استوى والا لا جيبي ملعقة واخذي كم حبه رز وذوقيها شوفيها استوت والا لا
مثل منتوا شايفين
سادسا
1- نبدأ نشخل الرز بالمشخال حطي المشخال بالصينيه أقصد المغسله حقت المعواين اهم شي تكون فاضية ونظيفة اوكي
قولي بسم الله وإبدأي إشخليه
مثل منتوا شايفين
سابعا
1- بعد ماشخلنا نقوم نحط الرز على الخليط خليط(الفلفل والبطاطس)
2- نبدأ نقلب الرز مع الخليط مثل منتوا شايفين ^_^
ثامنا
1- نرجع نحط الخلطه كلها مع بعض بالجدر ونقفلها ونحطها على نار هادئة جدا جدا
تاسعا
خلصنا من مشخول البطاطس الحمد الله نجي الحين نسوي الدغوس انا سويته أثناء طبخي للمشخول
يعني ما إنتظرت لين أخلص المشخول كل وحدة وعلى حسب سرعتها
نبدأ 1- نحط الطماط بصفريه تناسبك ونحط زيت شوي واخليه لين يذوب ممكن تحطين شوي ماء اذا شفتهيا نشفت
2- لي شفتي الطماط ذاب حطي ماجيه وحده وماء لين نص الصفريه وصلصل
عاشرا
قفليها وخليها تطبخ لين تشوفينها صارت ثقيله
مثل منتوا شايفين لي شفتي الدغوس صار ثقيل معناتة
خلص الدغوس^_^
الحادي عشر
وألحين التقديم تفظلوا ^__^ إكلواها بالهنا والعافية
أتمني من ردودكم تعطر صفحتي
فديتكم