منتو سهل والطعم خيال

كل عام وأنتو بخير ,وش أخبار المطبخ معاكم أكيد دوشه وروشه وحاله واللى ما عندها شغاله بعد حدث ولا حرج المهم عندي لكم وصفة منتو أتحدى أطلق مطعم يسوي زيها وفوق كذا سهله حطيها على النار وروحي نامى , اول شي العجين وهي مجرد كميه من الطحين ورشة ملح وقليل جدا زيت حطي عليها المويه شوى شوي لين تصير عندك عجينه متماسكه. وبعدين قطعي كميه كثيره من البصل صغار صغار
وبعدين اخلطيهم مع اللحم المفروم مع قليل من الملح والفلفل الاسود والكمون وبس والحين أ فردي العجين وقطعيها دوائر بكوب مثلا
ابدي بحشوها بيدك بسرعه بسرعه وقفليها من فوق بالضغط
رصيها في قدر المنتو بعد ما يكون مدهون بالزيت
بس اهم شي تكون المويه تغلى ممكن بعدين ترشينه بالشطه بعد ما تخلص أو تغطينها بالزبادي والكشنه(حمسة البصل والطماط) وأخر شي زينيها بالصنوبر
واو والله مره لذيذ وسهله وحلوه للي عايلتها كبيره زي
أنا دايما أحاول أسوي شغلات كثيره وسهله .علشان تكفي العيال الله يحفضهم ,جربوها وقولولي رايكم وأللي أكلت أصابعها ما عليش بكره تنسى ههه